مژده وئر آیت رحمانی دادار گلور #17ربیع_محمدی_ناعم

میلاد پیامبر اسلم (ص) و امام صادق (ع)
.
#زبدةالاشعار
.
: @nohe_torki
.
محمدی ناعم
.
مژده وئر آیت رحمانیِ دادارگلور
ایکی رهبر، ایکی دلداده ایکی یارگلور
کفره اخطارائله که احمدمختارگلور
صادق آل علی، دینه نگهدارگلور
ایکی فرزانه ایکی سرورعیّارگلور
ایکی سرورایکی مهترایکی سالارگلور
.
.
بیرینون آدی محمد شرف و شأنی کبیر
گهر بحر رسالتدی بشیراً و نذیر
حضرت هادی کُل، سرّ خفیاته خبیر
بیریده حضرت صادقدی یوزی ماه منیر
ایکی وارسته، ایکی یار موافقدی بولار
ایکی آزاده، ایکی عاشق صادقدی بولار
.
.
بیری برّنده بیاندی، بیری ارزنده کلام
بیری الگوی شرفدی بیری پاینده مرام
بیری دریای عطوفت بیری معنای قیام
بیریسی ختم رسولان، بیریسی ششّم امام
بیری زهرا خانیمون عالمه سرورآتاسی
بیریسی فاطمه نون حکمته مظهربالاسی
.
.
او گلوب عالمی آلام و محندن قوتارا
بو گلوب تیر حقارت دل ظلّامه ویرا
او گلوب عالمه بیر مکتب جاوید قورا
بو گلوب منطقیلن رشتۀ تزویری قیرا
او محمددی شعور و شرفه دارادی
بودا صادق، ثمر نهضت عاشورادی
.
.
او آقا خلقتون اوّلدن اولوب قائمه سی
بو آقاشهدی، اولوب حور و ملک خادمه سی
علت خلق خلائقدی اونون فاطمه سی
مونون اما گوزل آدی عرفا زمزمه سی
ایکی مولا قدمی عالمه وئردی برکات
کوری چشم بخیلان دئنن عالی #صلوات
.
#زبدةالاشعار
.
: @nohe_torki