شهادت حضرت امام صادق علیه السلام
.
✍️ زبدة الاشعار ✍️
?: @nohe_torki
.
محمد حسین خلیل نژاد قاضیجهانی
.
باشلانوب بزم عزا یاران امام صادقه
آغلوری ارض و سما القان امام صادقه
غم دوتوب کونی تمام
آغلوری مظلوم امام
.
بو گونون مثلینده یاران پارچالاندی لبلری
زهر دشمن گوئیا آغلار قویوب عالملری
شیعه نین قلبین ایدوب قان اول امامین غملری
ایلوری کون و مکان افغان امام صادقه
.
دین حقّ اوستنده چوخ زحمت چکوب اول دل غمین
نچّه مین شاگرد ایدوب تعلیم بی حد مطمئین
آرتروب دین رونقین دنیاده چون اول مه جبین
آغلوری بو علته هریان امام صادقه
.
حجّت پروردگارین زهریدن رنگی سولوب
پارچا پارچا دور جگرلر قانیلن آغزی دولوب
چولقویوب ظلمت جهانی شاهدین مسموم اولوب
ایلیوب ظلمون اشّد دونان امام صادقه
.
چون ائمه هر بیری بیر نوعیله مظلوم اولوب
بعضیسی مقتول اولوبدی بعضیسی مغموم اولوب
جعفر صادق ولی بیر طرزیله مسموم اولوب
آغلیوب بو ظلمیده قرآن امام صادقه
.
آغلوری معناده چون زهرای اطهر اوغلونا
ناله و فریاد ایدور جّدی پیمبر اوغلونا
بزم ماتم ساخلیوب جنتده حیدر اوغاونا
آغلوری جناتیده سکان امام صادقه
.
بو گون آغلور گوئیا افلاکیان کّروبیان
شیون و افغان گلمش قدسیان لاهوتیان
گوز یاشین القان ایدوبدی بو غمه سبوحیان
بس هامی ساخلیوب عزا الان امام صادقه
.
حضرت زهرا سوور چوخ قاره پرچم ورماقی
غمزده اشخاص اوچون چون سر سلامت ویرماقی
باالخصوص آل رسوله بزم ماتم قورماقی
بیله بولّم آغلوری هرآن امام صادقه
.
قاره پرچم ورماقین شیعه بو سوز معناسیدور
هانسی یرده قاره پرچم اولسا غم دریاسیدور
بیر علامتدور قدیمدن بزم غم شوراسیدور
بو سوزه پرچم وروب هریان امام صادقه
.
عاشق جانباز دینون رحلت عقباسیدور
صادق آل رسولین ای عزیزان یاسیدور
جعفری مذهبلرین معناده عاشوراسیدور
آغلیون باهم بو گون یکسان امام صادقه
.
ای خلیل نژاد یاز نوحه بو مظلوم رهبره
قوی اوخونسون سوزلرون تا ضبط اولونسون دللره
بلکه خوش گلسون کلامون کردگار داوره
تا سنی عفو ایلسون رحمان امام صادقه
.
#سبک_زینبم_جان_اوستیم (4 سبک)
.
#صادقیه_شهادت
#باشلانوب_بزم_عزا_یاران_امام_صادقه
#خلیل_نژاد
#ترکی
.
✍️ #زبدةالاشعار ✍️
?: @nohe_torki
نظر دهید