مکان لامکاندا اگلشیب ائتدون مکان ای اوخ #حسینیه_نجمی_تبریزی

#ای_اوخ …
زبانحال حضرت اباعبدالله الحسین (ع) با تیر سه شعبه
.
.
.
مرحوم نجمی تبریزی
.
.
مکان لامکاندا اگلشیب ائتدون مکان ای اوخ
سن اگلش طایر روح ایلسین ترک آشیان ای اوخ
.
.
اگر چه دل یاران اوچ شعبه زهر آلود پیکانسان
گرک نازون چکم وار احترامون پیک جانانسان
اگر کافرده اولسان حرمتون واجبدی مهمانسان
دیوب جدّیم ایدون حرمت اولا هر میهمان ای اوخ
.
.
نشانه مقصدیله سن کماندان رد اولان ساعت
باخوب گوردوم که وار هر بیر پَرُونده نامۀ دعوت
اودور جان تک سنی آغوشه باسدیم ایلدیم حرمت
دیدیم بو نامیَه قربان اولا جان جهان ای اوخ
.
.
هوادن سن گلنده ای سوسوزلار قاننه عطشان
یانوردون تاب خورشید جهان تابیله سرگردان
گلوب لب تشنه یورقون تاپموسان سرچشمۀ حیوان
سوسوز بو قلبدن ایچ کاسه کاسه ایستی قان ای اوخ
.
.
دئمم بو داغلى قلبه ورما آتش آز منی یاندور
یانوب اوچ گوندی بو صحراده عطشاندور پریشاندور
ولی بیر آز علی اکبر یاراسندان چکیل یان دور
سنیده یاندورار بو دلده کی داغ جوان ای اوخ
.
.
دئمه دل خانه سی ویرانه دور آثار تالان وار
جلالت وار بو ایوده جلوۂ رخسار جانان وار
بو اوتلی کلمه ده بیر اوزگه معنا اوزگه بیر جان وار
اثر سندن قالار بو جلوه گهده جاودان ای اوخ
.
.
زبس مشتاقدیم جان و دلیله وصل جانانه
یانوردوم شعلۀ شمع فراقه مثل پروانه
یتیشدیم مقصده شکر ایلرم بو لطف شایانه
نشان بی نشانی سن گلوب ائتدون نشان ای اوخ
.
.
سن اولدون ایندی که محرم دل پر التهابیله
دیوم قوی دل سوزون سنده آلیش قلب کبابیله
خوشام بو قوملار اوسته شعشعات آفتابیله
آچوب پر آچدوقون بیر زخمه اولما سایبان ای اوخ
.
.
بوصحرای بلاده موقع راز و نیازیمدا
سو یوخدور دستمازه آنلادون آخر نمازیمدا
مراعات ایلدون احوالیمی سوز و گدازیمدا
یانان بو قلبدن قان چشمه سین ایتدون روان ای اوخ
.
.
خیال شاهراهیله گلنده راهی بیراهه
چکیلدی پردۂ غم صورت مهره رخ ماهه
نه قدرت واردی سنده اگلشن ساعت نشانگاهه
زمین و آسمانه ظلمدن ویردون تکان ای اوخ
.
.
او ساعت که قویولدون چلّیه آرتوخ شتابیله
بویاندی دامن زهرا همان دم اشگ نابیله
پر آچماق شوقنه دوشدون خیال ناصوابیله
کماندان ردّ اولوب ایتدون فلک قدّین کمان ای اوخ
.
.
بو گون ای جان دَلَن پیکان دل بیماره یول تاپدون
در امّیده وردون حلقه بزم یاره یول تاپدون
سالوب افلاکه شیون مخزن اسراره یول تاپدون
نه گورسن کنز حکمتده عیان ساخلا نهان ای اوخ
.
.
دگول جانان جمالین گورماقا زیبنده هر دیده
لیاقت یوخ هامی الده یته دامان امّیده
برازنده دگول هر بیر گوگل اسرار توحیده
بو اسرار زبان بی زباندور بی زبان ای اوخ
.
.
اگر چه نطق «نجمی» هم تراز اولماز «شباهنگه»
اونون بنزر سوزی دُرّه بونون یازدوقلاری سنگه
گرک گوگلون آلام دامان امّیدی سالوب چنگه
منه نوکردی یوخ فرقی هامی نوحه یازان ای اوخ
.
.
.
.
#حسینیه #نجمی_تبریزی
#حسینیه_شهادت #ای_اوخ_نجمی_تبریزی
#مکان_لامکاندا_اگلشیب_ائتدون_مکان_ای_اوخ
#ترکی
#زبدةالاشعار