میدان گوزتلور گیت بالا اکبر خداحافظ #اکبریه_شاهی_اردبیلی

عزیمت حضرت علی اکبر (ع)
به میدان مبارزه و تودیع حضرت لیلا (س)
.
.
#سبک_ویرانه_ده_نازلو_بالام
.
.
شاهی اردبیلی
.
.
میدان گوزتلور گیت بالا اکبر خداحافظ
لیلانی سال حالدان حالا اکبر خداحافظ
.
.
گویده پیمبرلر باخور دللرده یاهولر
توکمیش یولوندا پرلرین تپراقه تیهولر
میداندا خنجر اوینادور نادان جفاجولر
اوخلار چیخوب استقبالا اکبر خداحافظ
.
.
دوزدور چکوبسن قلبیمی زلفونده زنجیره
جدّون گوزتلور گیت بالا چوخ دوشمه تأخیره
بختیم سیاهیمیش منیم نیلیم بو تقدیره
من راضیم بو اقبالا اکبر خداحافظ
.
.
ای دستیمی کوتاه ائدن زلف درازیندن
ابرولرونده روحیمون یاد ائت نمازیندن
یاد ائتمه اما قلبیمون سوز و گدازیندن
قوی گوزلریم آغلار قالا اکبر خداحافظ
.
.
عارف الف قدّون گوروب چون میم اَیَر گردن
گردن چکیب دوغرار نجه اول قامتی دشمن
سویلر ائله قد قامته روح نماز احسن
احسن او عُلوی اجلالا اکبر خداحافظ
.
.
سس سیز صداسیز سبز اولور قرآن دوداقونده
گورسنمیین جان گورسنور عطشان دوداقونده
قالمیش منیمله گوزلریم حیران دوداقونده
حُسنون نولا جانیم آلا اکبر خداحافظ
.
.
وار سنده قربان اولماقا چوخ اشتیاق اوغلوم
قربان کیمی دوغرار سنی اهل عراق اوغلوم
لیلانی مجنون ایلیوب فکر فراق اوغلوم
گئت باخما سن بو احوالا اکبر خداحافظ
.
.
#اکبریه #شاهی_اردبیلی #اکبریه_شهادت #ترکی #زبدةالاشعار