جناب حر
.
زبدة الاشعار
?: @nohe_torki
.
حاج اصغر فرشچی (عدلی تبریزی)
.
نادم اولدی حرگلدی دل غمین
مو پریشان دیده گریان و حزین
عرض ایدوب عفو منی ای شاه دین
روسیاهم روسیاهـم یاحسین
عذر خواهم عذر خواهم یا حسین
.
آستانوندا گلوب درماندیم
شاه شاهان بنده وه من بندیم
تا ابد سندن خجل شرمندیم
روسیاهم روسیاهم یاحسین
عذرخواهم عذر خواهم یا حسین
.
من ازل سو یولارونی باغلادیم
قلب زهرانی بو چولده داغلادیم
غرق جُرمم توبه ایتدیم آغلادیم
روسیاهم روسیاهم یاحسین
عذرخواهم عذر خواهم یا حسین
.
اذن ویر تا بو جانیم قربان اولا
راضی اولما گوزلریم گریان اولا
لطف ایله عفو ایت منی احسان اولا
روسیاهم روسیاهـم یاحسین
عذر خواهم عذر خواهم یا حسین
.
ـــــــــــــــــــ
.
گلموشم بو آستانه باش ویرم سامان تاپام
دل ویرم دلبرتاپام هم جانویرم جانان تاپام
.
گلموشم زهرا بالاسی ال ایاقوندان اُپم
باش ویرم مین دفعه بو یولدا اگر مین جان تاپام
.
گلموشم من کربلاده تا اولام قربان دین
عمر فانی نیلورم بیر عمر جاویدان تاپام
.
گلموشم باش ویرماقا تا زینبون گویلون آلام
تا آنان زهرا یانوندا مایة غفران تاپام
.
شرمسارم من حضوریده ولی امید وار
قلبیم آلامیله دولدی دردیمه درمان تاپام
.
رحمةً للعالمین اوغلی اولان شاه زمن
ایت کرامت تا جوار رحمت یزدان تاپام
.
اَل منیم دامان سنون من عذر خواهم گلموشم
وار امیدیم محضروندن تازه دن ایمان تاپام
.
یوللاری اوّلده شاها باغلادوم من سیزلره
عقل غالب اولدی صوندان قویمادی عصیان تاپام
.
جرمی چوخ محکوموام عفو ایت منی ویر اذن جنگ
جان ویرم بو کربلاده فیض بی پایان تاپام
.
باغلورام پیمان عشق سنله حسین سندیرمارام
امضاسی قانلا یازولموش عهدیلن پیمان تاپام
.
دست رد بو سینم اوسته قویما شاها حاضرم
سینمه اوخ لار دگه شمشیر تیز پیکان تاپام
.
«عدلیم» شوریده ام در گاهوزون مداحیم
ایستورم غم محفلینده سینة سوزان تاپام
.
#اصحاب_الحسین
#حر
#نادم_اولدی_حر_گلدی_دل_غمین
#گلموشم_بو_آستانه_باش_ویرم_سامان_تاپام
#عدلی_تبریزی
#ترکی
.
#زبدةالاشعار
?: @nohe_torki
: @nohe_torki . . دکتر محمدحسین کتابچی ( #علومی_تبریزی ) و (( #مصیبی_تبریزی )) . سبک : یا فاطمه من عقدۀ دل وا نکردم . آرام جاندی حیدره موسی ابن جعفر ذرّیه دی پیغمبرهبیشتر
نظر دهید