نوحه غلام تُرکی
(اسلم بن عمرو)
✍️ زبدة الاشعار ✍️
?: @nohe_torki
.
سید بشیر حسینی میانجی
.
شرارِ آهیله حسین! دلِ جهانی داغلادون
علیّ اکبرون کیمی، غلام تُرکه آغلادون
شهید کربلا حسین! – غریب نینوا حسین!
حسین حسین، حسین حسین!
.
سنون کیمی هایاندا وار، امام و پیشوا آقا؟
ائده تمام دیللری، غمینده مبتلا آقا!
سنیله تاپدی چوخ شرف، دیار کربلا آقا!
شهید کربلا حسین! – غریب نینوا حسین!
حسین حسین، حسین حسین!
.
قیامته کیمی یقین! فلک لر آغلیار سنه
همیشه عرش و فرشیده، ملک لر آغلیار سنه
سماده مرغ و بحریده سمَک لر آغلیار سنه
شهید کربلا حسین! – غریب نینوا حسین!
حسین حسین، حسین حسین!
.
او اَسلم آدلی عاشقون، یئتیشدی اوج عزّته
دیار کربلاده چون، فدا اولوبدی عترته
باخاندا گول جمالیوه، غمی دؤنوب مسرّته
شهید کربلا حسین! – غریب نینوا حسین!
حسین حسین، حسین حسین!
.
او قاریِ کتابِ حق، حق اوسته قانینه باتوب
اؤرکده عشقون عاقبت، بویوک سعادته چاتوب
او باوفا مزاریده شهیدلریله بیر یاتوب
شهید کربلا حسین! – غریب نینوا حسین!
حسین حسین، حسین حسین!
.
بو افتخاردور بیزه، اَیا امام اِنس و جان!
او، تُرکی دیلده بیررجز،اوخوردی جنگ ائدن زمان
سنیله آغلادی اؤنا مریض کربلا بالان
شهید کربلا حسین! – غریب نینوا حسین!
حسین حسین، حسین حسین!
.
مرید شعر «نیّر» و «حسینی» و «کلامی»ام (1)
«بشیر»م اهل دیل بیلیر، من اؤن ایکی امامی ام
بو فخردور دییم فقط، غلامیوین غلامی ام
شهید کربلا حسین! – غریب نینوا حسین!
حسین حسین، حسین حسین!
.
قاپوندا نوکر اولماقیم، چوخ افتخاردور منه
بو افتخاری ایسترم چون اعتباردور منه
آنامدا تُرک، آتامدا تُرک، بویوک شعاردور منه
شهید کربلا حسین! – غریب نینوا حسین!
حسین حسین، حسین حسین!
ــــــــــــــــ
(1)مرحوم نیّر تبریزی، مرحوم حسینی (سعدی زمان) و استادکلامی زنجانی
.
#سبک_ای_حرمینه_ناز_ایدن ( 4 سبک)
.
#اسلم
#اصحاب_الحسین
#شرار_آهیله_حسین_دل_جهانی_داغلادون
#سیدبشیرحسینی
#ترکی
.
✍️ #زبدةالاشعار ✍️
?: @nohe_torki
