راه شام
.
✍️ #زبدةالاشعار ✍️
.
🆔: @nohe_torki
.
مرحوم عاصی تبریزی
.
ناقه دن دوشدوم آماندور عمّه جان
قالموشام چولده دایان دور عمّه جان
.
.
چول آراسی من پیاده یول اوزاق
عمّه من یالقوز اوزوم خوردا اوشاق
گئتمه بیر لحظه دایان ساخلا ایاق
ناقه دن دوشدوم آماندور عمّه جان
.
.
عمّه جان من نابلد چول خوفناک
ایندی اولّام قورخودان آخر هلاک
بیر سسیمه سس وئر اولدوم زهره چاک
ناقه دن دوشدوم آماندور عمّه جان
.
.
عمّه ئولسم بو بیاباندا اگر
کیم تاپار چولدن منی کیم دفن ائدر
وئر عموم عباسه حالیمدن خبر
ناقه دن دوشدوم آماندور عمّه جان
.
.
سسلیوم عمّه کیمی امدادیمه
وار کیمیم آیا یتشون دادیمه
بیرجه باخ بو ناله و فریادیمه
ناقه دن دوشدوم آماندور عمّه جان
.
.
گلماقا قالموب دیزیمده اختیار
عمّه جان ایسّی هوا یول کوهسار
ائیلیوم بولمم نه قدری آه و زار
ناقه دن دوشدوم آماندور عمّه جان
.
.
چوخ تعجبدور گئدیر سن عمّه سن
بولموسن بس قالموشام چوللرده من
وئرموسن آخر سسیمه سس ندن
ناقه دن دوشدوم آماندور عمّه جان
.
.
تاپشوروب عمّه سنه آخر بابام
اولما راضی من بیاباندا قالام
وئر خبر بیرجه دایانسون اهل شام
ناقه دن دوشدوم آماندور عمّه جان
.
.
من دچار اولدوم عجب محنتلره
بیله وقته دوشدوم عمّه چوللره
وای منه گور قالموشام نه گونلره
ناقه دن دوشدوم آماندور عمّه جان
.
.
قیل توقف گئتمه عمّه بیر دایان
صاق صولا قاچماقدان اولدوم باغریقان
قورخورام آخر وئرم چوللرده جان
ناقه دن دوشدوم آماندور عمّه جان
.
.
عمّه جان قاچماق سالوب دلدن منی
حالیمه قلبون یانار گورسن منی
گل اوزون آخر آپار چولدن منی
ناقه دن دوشدوم آماندور عمّه جان
.
.
گئتماقا ای عمّه ائتمه چوخ شتاب
سسله ماقدان آخر اولدوم دلکباب
یادگار اکبرم وئر بیر جواب
ناقه دن دوشدوم آماندور عمّه جان
.
.
سرّی وار #عاصی سوزونده وار اثر
ائیلیوب سوز صاحبی مطلق نظر
بو سوزی یاز آغلا هر شام و سحر
ناقه دن دوشدوم آماندور عمّه جان
.
.
#راه_شام_عاصی_تبریزی
#ناقه_دن_دوشدوم_آماندور_عمه_جان
#ترکی
.
✍️ #زبدةالاشعار ✍️
.
🆔: @nohe_torki
نظر دهید