نسل انسانه معلم مهربان انسان ئولوبدی #حیدریه_هادی_تبریزی

در شهادت حضرت علی علیه السلام
.
.
مرحوم هادی تبریزی
.
.
نسل انسانه معلّم مهربان انسان ئولوبدی
بانی و بنیانگذار مکتب قرآن ئولوبدی
.
.
مبدأ صدق و صداقت نقطۀ کانون وحدت
نقطۀ کانون وحدت ناشر و منشور خلقت
ناشر منشور خلقت افتخار آدمیّت
افتخار آدمیّت واقعی انسان ئولوبدی
.
.
شمس وجدان بشرده شرق وخاورلیق یارالدان
کفرو تبعیضی داغتموش نور داورلیق یارلدان
هم برابرلیق یارالدان هم برادرلیق یارلدان
مظهرمهر و محبّت راحم و رحمان ئولوبدی
.
.
آفرینش داغلاریندا جوش ایدن عشق آبشاری
خلقتین سرّ سرشتی آدمیّت چشمه ساری
نسل انسانین تاپولماز تای بیوک آموزگاری
دفتر تاریخ دینه فصل بی پایان ئولوبدی
.
.
شمع فانوس حقیقت روشنائی فتوّت
روشنائی فتوّت مکتب آموز اُخوّت
مکتب آموز اُخوّت لوح پایان نبوّت
آدم و نوح و سلیمان موسی عمران ئولوبدی
.
.
بذل ایدن طعم گوارا کوثریله سلسبیله
قدرت پرواز ویرمیش مهر پاکی جبرئیله
گلستان اودّان یارالدان دوزخ جان خلیله
هر یورولموش دیزده قدرت هربدنده جان ئولوبدی
.
.
فیض شوری شور ویرمیش خلوت شورای طوره
لمعۀ نوری یتورمیش نخل طوری فیض نوره
مین کلیمه یولّار آچموش مقصد سرّ ظهوره
کشف اسرار تجلّی وصل اولوب هجران ئولوبدی
.
.
کاتب لوحه قلمدن اوّلین ارزنده مکتوب
یوسفین پیراهنینده طوطیای چشم یعقوب
عمق دریاده توان و صبر بی پایان ایوب
نوحه آرامش یتورموش شافع عصیان ئولوبدی
.
.
اوج عرش کبریاده پر ویران قدرتلی دُرّاج
فرشدن عرشه یول آچموش حالتی هرحالدا معراج
شور عشق لایزاله بیر درین دریای مَوّاج
نفس ذیحق مظهرالحق محرم یزدان ئولوبدی
.
.
یول گیدنلر رهنماسی آل آدم پیشواسی
آل آدم پیشواسی هر مسلمان مقتداسی
سالک و سلک وفانین پیر راه با وفاسی
عارف و پیر و دلیل عالم عرفان ئولوبدی
.
.
شاهکار آفرینش خلقت آرای خلایق
خلقت آرای خلایق علقۀ کلّ علایق
باغ خلقتده سولماز قرمزی آچکین شقایق
هر شقایقدن طراوت ذوق باغستان ئولوبدی
.
.
دست رأفت روح راحت شارح شرح محبّت
شارح شرح محبّت دشمن دیو خشونت
صاحب خلق خدائی خلد سرسبز عطوفت
کشتی دین خدای حقّه کشتیبان ئولوبدی
.
.
#حیدریه #هادی_تبریزی #حیدریه_شهادت #ترکی #زبدةالاشعار