نوحه حضرت رقیه (س) در راه شام
.
زبدة الاشعار
.
?: @nohe_torki
.
مرحوم یحیوی اردبیلی
.
نصف شبده کوچ ایدوب کاروان دایانمادی
هرچه سسلدیم بابا ساربان دایانمادی
.
.
بیر یتیم و بی کسم من غریب خوار و زار
قورخولی قرا گیجه پهن دشت و ریگزار
هم صدا اولور منه سسلننده کوهسار
مغربه یتوب مهِ آسمان دایانمادی
.
.
وار نه باشدا معجریم نه ایاقدأ باشماقیم
خسته ائیلیوب منی پاپیاده قاچماقیم
داش دگوب ایاقیمه پارچالاندی بارماقیم
باغلیانمدیم اونى آخدى قان دایانمادی
.
.
وئرمه دون سسیمه سس سسلدیم هرایه من
گوزدن آتموسان منی ایلرم گلایه من
چوخ بجادور ایلسم شمردن شکایه من
دردیمی دیوم سنه نیزه بان دایانمادی
.
.
سالدی چوللره منی ساربان بابا بیله
عمه مون حضورینه یتسم ایلرم گله
سؤیلرم ندن بی بی کوچ ایدنده قافله
باری بیر نفر منه همزبان دایانمادی
.
.
لشکر جفا اثر، کوچ ایدنده بی خبر
بیلمدیم آنام باجیم هانسی سمته گیتدیلر
من بلاکشی بابا درک ایده أجل اگر
جان ویرنده گوزلریم باغلیان دایانمادی
.
.
من که حسرتم بابا رخت استراحته
بو صغیر سنّیله دوشمیشم اذیته
من یتیمی تک قویوب بو گیجه نه علته
سرعتیله یول گیدوب کوفیان دایانمادی
.
.
آختاروب دولانمیشام گاهی ساغی گه صولی
تاپمیوب ایاق یئری من ایتیرمیشم یولی
گوررم هر تیکانلوقی وحشیانیلن دولی
خوف و اضطرابیدن منده جان دایانمادی
.
#سبک_مسلمون_شهادتی … 5 سبک
پخش‌کننده صوت
#راه_شام
#نصف_شبده_کوچ_ایدوب_کاروان_دایانمادی
#یحیوی_اردبیلی
#ترکی
.
#زبدةالاشعار .
?: @nohe_torki
: @nohe_torki . مرحوم حاج عبداله رضایی (غمکش) . هر داش اورک هرگز دُر احساس اولا بیلمز آهن پاراسی تیغه الماس اولا بیلمز . . عالمده گزنلر شرف النّاس اولا بیلمز عبّاسبیشتر
نظر دهید