نلر اولوب او گجه مسجده گیدنده علی #حیدریه_حسن_رسالور

شهادت حضرت امیرالمؤمنین (ع)
.
✍️ #زبدةالاشعار ✍️
.
🆔: @nohe_torki
.
حاج حسن رسالور
.
نلر اولوب او گجه مسجده گیدنده علی
گلیردی ناله سسی صحنی ترک ایدنده علی
.
واریدی صحنیده بیر نچه دانه مرغابی
قانات چالیردی اولار ایلییردی بی تابی
.
توکوردولر یوزه گوز یاشلارین فغانیله
اولار امامه دیوردی زبان حالیله
.
دایان اماندی دایان بیله چوخ شتاب ایتمه
آماندی بو گجه نی مسجده آقا گئتمه
.
خدنگ جور و جفا قلب عالمی دلیری
هوا ز بسکی دولوبدی بلا اییی گلری
.
رئوف امام اولاری بیر دلیله رام ایتدی
ادامه وئردی یولا مسجده ساری گیتدی
.
امام غیبی بولر، ئولماقون بولوردی اوزی
گیدنده مسجده بشّاشدی گولوردی یوزی
.
یتیشدی مسجده مولا علی هوسلندی
دلینده کلمۀ توحید ذکرى سسلندی
.
یازیبلا قاتل مولا کمینده یاتمیشدی
جهان آخرتی بو جهانه ساتمیشدی
.
اویاندی ظلمنی دنیاده خلقه بولدورسین
ایانه دوردی او ظالم امامی ئولدورسین
.
پلید فکرله ظلمون اساسنی قوردی
امامه سجده ده مکریله بیر قلیج ووردی
.
او بیر قلیج إئله سالدی امامی طاقتدن
دورانمادی ایاقا شدّت جراحتدن
.
رضای حقدن أوتور غیضینی امام أوتدی
او حالیده بالاسی مجتبایه اوز توتدی
.
چالیندی شیشۀ عمریم اوغول حسن داشه
نماز صبحی اوزون ویر اوغول حسن باشه
.
نماز صبح قلیندی یتیشدی اتمامه
دونوبدی شیعه لرین گوزده گوندوزی شامه
.
ولایت اهلی او گون نار ظلمیله یاندی
دوشوب دی کوفه ده سس مرتضا قلیجلاندی
.
ئولوم اولیدی او دم ابن ملجم شومه
یتیشدی غم خبری زینبیله کلثومه
.
الینده قبریوه یوخدی «رسالور» توشه
او شعرلر کی یازیب سان اولار اولور خوشه
.
.
#حیدریه_حسن_رسالور
#حیدریه_شهادت
#نلر_اولوب_او_گجه_مسجده_گیدنده_علی
#ترکی
.
✍️ #زبدةالاشعار ✍️
.
🆔: @nohe_torki