وداع حضرت علی اکبر(ع)
.
#زبدةالاشعار
.
: @nohe_torki
.
مرحوم شیخی اردبیلی
.
نه روادور بابا جان دلده بو غملر قالسین
گیده میدانه هامی خیمده اکبر قالسون
.
.
تنگه گلدیم داخی من ذلّت دنیادن آتا
جانه یتدیم بو قدر طعنۀ اعدادن آتا
منه خوشدور بو زمان اطلس دیبادن آتا
که ئولم تا قوری یرلرده بو پیکر قالسون
.
.
ویررم شوقیله من گر اولا یوز مین جانیم
حق یولوندا توکولوب چشمه تک آخسا قانیم
منی گیتماقلیقا مجبور ایلیور وجدانیم
ذلّتیله بیله دنیاده کیم ایستر قالسون
.
.
اولدی اولاد نبی تیر بلایه آماج
ایلدی قوم دنی مذهب و دینی تاراج
ایمدی چوخ قانلارادور دین پیمبر محتاج
من ئولم دهریده تا دین پیمبر قالسون
.
.
نه روا حاکم اولا ملّت اسلامه یزید
بیله طرزیله که یاغیدور او احکامه یزید
اهل دین ایستمز هرگز یتوشه کامه یزید
بلبل ایستر که مگر گل خاره برابر قالسون
.
.
من گرک ایمدی ایدم ضربت شمشیری قبول
جانه هر قدر یته نیزه ایله تیری قبول
ایلسین زین العبا کنده و زنجیری قبول
اُسراده نه لباس و نه معجر قالسون
.
.
ایستیور محو ایلسین دشمن دین اسلامی
یتیشوب ملت اسلامه جهاد ایّامی
خیمه لرده نجه اکبر ایلسین آرامی
نجه قان توکمیه کیم بیلده بو خنجر قالسون
.
.
یا حسین لطفیله قیل جمله مسلمانه نظر
سیزه تقلید ایلیوب جهد ایدن انسانه نظر
اکبرین حقّینه بو «شیخ» پریشانه نظر
مطلبین ایله روا قویما که مضطر قالسون
.
.
#اکبریه_شیخی_اردبیلی
#اکبریه_شهادت
#نه_روادور_بابا_جان_دلده_بو_غملر_قالسین
#ترکی
.
#زبدةالاشعار
.
: @nohe_torki
نظر دهید