نه مدتیدی حسین بیر غمون خیال ایلرم #حسینیه_روفه_گر

وداع حضرت سیدالشهداء (ع)
.
.
.
مرحوم روفه گر
.
.
نه مدتیدی حسین بیر غمون خیال ایلرم
گیجه گونوز اوزیمه شغل اتصال ایلرم
.
طلوع ایلیه گر آفتاب عالمتاب
گیدوب حضورینه بو سرّدن سئوال ایلرم
.
سبب ندور آقا جدّون حسین اوز ایاقین
قویوب اوزنگیه قویدی یره خیال ایلرم
.
معاینه گورورم دوره سینده اهل حرم
دوروبلا شرحینه نفسیمدن انفعال ایلوم
.
یوزینه سیلی ووران باش یولان ، یازا قلمیم
زبان خامۀ اشعاری ، جمله لال ایلرم
.
اوجا سسیله بیوردی باجی گلون گیدرم
منی حلال ایلیون من سیزی حلال ایلرم
.
منی قوناق چاغیروب ذوالجلال مجلسینه
قبول دعوت یزدان ذوالجلال ایلرم
.
جفا سپنگی ووران داش یری جیینیمده
نگار مجلسنه گوزده ، نقش خال ایلرم
.
حبیب مجلسنه قرمزی گیوب گیدرم
باشمدا اون ایکی خطّ تاجینی جلال ایلرم
.
امید ، قابل اولا تحفه یار مجلسنه
قبول اولونماق ایچون طفل خردسال ایلرم
.
الیمی قوی باجی جان قلبوه ایده ساکت
خیال ایتمه عبث ترک ملک و مال ایلرم
.
بو امردور سنه مندن صورا ، سنی اوزیمه
کفیل عترت و مسستحفظ عیال ایلرم
.
ولی آنام باجی صبر ایله زلفوی یولما
اودم که گون دوتولور گون کیمی زوال ایلرم
.
یارالی جسمیمه، سانما تاپولماسا غسّال
ثلاثه غسلی اوزوم قانلا اغتسال ایلرم
.
بو خوردا بارماقیله بی راوزوک اگر ویرّم
ویرنده بجد له تقدیم ذوالجلال ایلرم
.
گیجه قرانلوقی خلوتده ، ساربانمیله
ویرنده ال اله بیر مجلس وصال ایلرم
.
ولیک کوفه ده مطبخده بیرگیجه قالام
همان گیجه سیزیله جبراً انفصال ایلرم
.
طریق عشقده مجنون عشق اولان باشیما
سنی آنام باجی لیلای بی مثال ایلرم
.
شکسته اوخلاری سینمدہ قرب وصله اوچام
نظامیله دوزرم اوج پرّ و بال ایلرم
.
اگر «رفوگریمیز» صدق اوزیله نوحه یازا
هر ایکی نشئه ده سر شعبۀ رجال ایلرم
.
#حسینیه_وداع #وداع
#نه_مدتیدی_حسین_بیر_غمون_خیال_ایلرم
#ترکی
#زبدةالاشعار