زبانحال حضرت صغری (س) با حضرت علی اکبر (ع) در خروج از مدینه
.
✍️ #زبدةالاشعار ✍️
.
🆔: @nohe_torki
.
#سبک_سو_یوخومدی_قزلاروندان … 5 سبک
مشابه
.
مرحوم فاکر تبریزی
.
گینوب سفر لباسی گیدوسن عراقه قارداش
من بینوادن آخر کسوسن علاقه قارداش
.
.
نه سفردی بو سفردن اورگیمده وحشتیم وار
بو نه آیریلوقدی یوخسا غم هجره طاقتیم وار
بیلوسن علی اورکدن سنه چوخ محبتیم وار
دوزه بیلمرم گوزومدن دوشه سن اوزاقه قارداش
.
.
اولوسان رضا بو دمده ائله سندن ال اوزوم من
دایانوم غم فراقه نجه صبر ائدوم دؤزوم من
بو فراق جاوداندور بیلورم على اؤزوم من
غم فرقتونده جانیم یته جاق دوداقه قارداش
.
.
گئدوری هامی روادور من ناتوان و خسته
قالورام بو یالقوز ائوده گوزی یاشلی دلشکسته
دل بی قراریم اولموش چون او تار زلفه بسته
نجه ترک ائدوب وصالی دایانار فراقه قارداش
.
.
سن اگر عراقه گئتسن گئدر عزّتیم سنیله
غم و رنج و غصه دائم اولار آشنا منیله
منی قویما بو وطنده على داد و شیونیله
داخی اولما راضی آهیم چیخا نُه رواقه قارداش
.
.
على رسمیدور جهاندا ئوله هر قیزون آناسی
او قیزا نوازش ایلر هامی قوم و اقرباسی
ندی بس منیم علاجیم بویور ای گوزوم ضیاسی
دوتوب اود بو غمده گوگلوم دوشر احتراقه قارداش
.
.
نه بیبیم حمایت ایلور من زار و دل حزینه
نه عموی مهربانیم نه بابام شه مدینه
اولا همدمیم بو ائوده نه قالور باجیم سکینه
هامی ائل قبیله مندن کسوری علاقه قارداش
.
.
من او بلبلم که آخر قالارام گل و چمن سیز
من او خواهرم که گوزدن آتارام جهانی سن سیز
علی چون خدا رضاسی بو سفرده واردی من سیز
گله منده راضی اولام نه قضا قباقه قارداش
.
.
ائشیدم هانی او ساعت گلوسن عراقیدن سن
باجوی خلاص اندورسن غم اشتیاقیدن سن
منی گرچه فرقتوندن سالوسان ایاقیدن سن
خبر وصالون اما گتورر ایاقه قارداش
.
.
نه تلاشدور بو فاكر بو نه اضطراب و تشویش
نظرون منال دنیا اگر اولسا وار کمابیش
تاپاسان فراغت دل اول عقایدونده درویش
یوخاری باخوب غم ائتمه نظر ائت اشاقه قارداش
.
.
#حضرت_صغری
#گینوب_سفر_لباسی_گیدوسن_عراقه_قارداش
#ترکی
.
✍️ #زبدةالاشعار ✍️
.
🆔: @nohe_torki
نظر دهید