کوفه
.
#زبدةالاشعار
.
: @nohe_torki
.
مرحوم صافی تبریزی
.
.
نیزه ده قارداش باشون هر یان گیدر
آردیجا بیر جمع سرگردان گیدر
زینب دیر قارداش یانار
لیلا توکر قان یاش یانار
.
.
زینبون قربان آخان گوز یاشیوه
منده یانّام اوغلوا قارداشیوه
تا نظر قیلّام یارالی باشیوه
بو اورکدن قطره قطره قان گیدر
.
.
نیزه ده قیلدون بو فتح البابی سن
سالدون آردونجا هامی احبابی سن
سن قاباقدا کاروان مهتابی سن
کاروان عشق بو یولدان گیدر
.
.
شمع رویون واله و حیرانیم
روز و شب پروانه تک سوزانیم
بو باشون من ایله سرگردانیم
گوزلریمدن قانلی یاش هر آن گیدر
.
.
ظلم الیله گر چه صیّاد ستم
صید ایدوب بیر دسته آهوی حرم
مو پریشان بانوان محترم
آشیان گم کرده سرگردان گیدر
.
.
هر گوزل گلدور اگر دنیا گلی
سنسن ای گل سینه ی زهرا گلی
کیم گوروب بیر بیله بی همتا گلی
فکریمه بو امریده نقصان گیدر
.
.
ای اولان ختم رسالت مظهری
آل طاهانین ایشیقلی اختری
سندن ایلر کسب نورین مشتری
کهکشاندا کوکب رخشان گیدر
.
.
سن شهید اولدون ایا میر انام
تاپدی سندن شرع پیغمبر قوام
منده سندن ایتموشم مشق مرام
حشر اولونجا منله هم پیمان گیدر
.
.
یوسف مصر محبّت اکبری
ایلیوب منظر سکینه گوزلری
شام بازاریندا وار چون مشتری
قانلی باشیله مه کنعان گیدر
.
.
نیزه باشیندا آناسی هر زمان
اصغرین باشین گوروب ایلر فغان
بزم موعوده الینده ارمغان
کیم بیله بیر تحفه ی شایان گیدر
.
.
حجّت رحمان او زیبا مشعلین
باغلیوبلر هم ایاقین هم الین
آخرین فکر ایلرم بو اوّلین
شامه دین نه نوعی بو نالان گیدر
.
.
ساربانلار سانما بیر ساعت دورار
آت دوشینده خوردا قیزلارون یورار
هر بیری دورسا یتر قمچی وورار
آل طاها دیده سی گریان گیدر
.
.
بیر جدا قدّینده دورموش آفتاب
انفس و آفاقیده وار انقلاب
گوئیا اولموش عیان روز حساب
محشره هر ذی نفس حیران گیدر
.
.
نیزه باشین نخل طور ایلوب باشون
کائناتی مست شور ایلوب باشون
چوللری کانون طور ایلوب باشون
تا گیدر نور هدی هر یان گیدر
.
.
قوزانوب ذرّات امکاندان فغان
نالیه گلموش زمین و آسمان
هم نوادور منله زنگ کاروان
بو نوا تا گنبد گردان گیدر
.
.
قانه آغشته اولوب مرآت حق
ارغوانی گورسنور نور فلق
گوئیا توأمدی مهتاب و شفق
شامه باشون قانه تا غلطان گیدر
.
#کوفه_صافی_تبریزی
#نیزه_ده_قارداش_باشون_هر_یان_گیدر
#ترکی
.
#زبدةالاشعار
.
: @nohe_torki
نظر دهید