شهادت حضرت جواد علیه السلام
.
✍️ زبدة الاشعار ✍️
?: @nohe_torki
.
حیدری زنجانی
.
ای دلیم یان غم سراده
آغلا بو ماتم سراده
ضامن آهو دوتوب یاس
غم زده اوغلی جواده
.
غملیدی هرندن ماجراسی
باشلانوب ایندی گویلرده یاسی
عدنیده فاطمه حتمی سسلر
وای جوادیم جوادیم جوادیم
.
.
.
.
آیری دوشدی ئوز ائیلیندن
شعله چکدی اوت دیلیندن
ناله سی تترتدی عرشی
بی وفا همسر الیندن
.
چاتمادی بیرکسه آه و واسی
تنگه دوشدی اویورقون نواسی
اوت دوتوبدی یانوب قلب مادر
عدنیده فاطمه حتمی سسلر
وای جوادیم جوادیم جوادیم
.
.
.
.
بیر نفر یوخ داده گلسون
سس ویروب فریاده گلسون
شهر غربتده خدایا
لااقل فریاده گلسون
.
دردینون یوخ نه چاره دواسی
قیتروب قان بویاندی لباسی
گل مثالی سولوب اولدی پرپر
عدنیده فاطمه حتمی سسلر
وای جوادیم جوادیم جوادیم
.
.
.
.
ذکریدور یا حی سبحان
ئوز ائیونده یاندی قران
الله الله نیلسون بس
لبلریندن قیترور قان
.
جان ویرور شیعه لر رهنماسی
تشنه ئولدی رضانون بالاسی
عدنیده فاطمه حتمی سسلر
وای جوادیم جوادیم جوادیم
.
.
#سبک_کوفه_را_ماتم_گرفته
.
.
#جوادیه_شهادت
#ای_دلیم_یان_غم_سراده
#حیدری_زنجانی
#ترکی
.
✍️ #زبدةالاشعار ✍️
?: @nohe_torki
نظر دهید