زبانحال امام رضا (ع)
.
✍️ زبدة الاشعار ✍️
.
🆔: @nohe_torki
.
مرحوم نادری میانجی
.
هارداسان معصومه تیز گل بیرخراسانه باجی
قارداشون جان تاپشورور حسرتله جانانه باجی
.
.
گور گلن مأمون نجه بیکس رضایه ظلم ایدور
گوزلری یولاردا قالمش، قارداشون الدن گیدور
یوخ آنا باجی یانندا غربت ایچره جان ویرور
وار ثوابی لطف ایده هر کس غریبانه باجی
.
.
گلستان حضرت زهراده سن سن عندلیب
قالما چوخ یثربده گل ایرانه ای محنت نصیب
من غریب اولدوم باجی، گل سنده اول من تک غریب
قوی گله غم تاجری ، بازار ایرانه باجی
.
.
بی کس و بی اقربایم ، اولموشام چوخ دل دو نیم
اوغلوما طوی ایتمدوم ، قلبمده قالدی حسرتیم
اولدی دنیاده منیم بیکس جواد اوغلوم یتیم
رحم ایدن اولماز بو دنیاده ، یتیمانه باجی
.
.
سن وفا عطرین باجی ، اهل وفادن آلگلان
ایسته سون پیغاممی ، باد صبادن آلگلان
حالمی آلسون خبر ، زهر جفادن آلگلان
اودلارا یاندی جگر ، دوندی ئورک قانه باجی
.
.
آیری سالدى أهل بیتیمدن ؛ بوچرخ کجمدار
حالتیم او لموش دگرگون ؛ یوخدی منده اختیار
عصریده بیکس باجی ؛ سنسن آنامدان یادگار
طوسین اهلی مهرباندور گلسون ایرانه باجی
.
.
چون منی مسموم ایدوب مأمون او شوم بد نهاد
قویما ناراحت اولا مندن سورا اوغلوم جواد
حسرتیم قالدى ئورکده یتمدی باشه مراد
یوخ آلان باشیم دیز اوسته دویموشام جانه باجی
.
.
اولسا هر ماتمده ای باجی ؛ اگر یوز نوحه گر
آغلامازلار صاحب درد اولماسا مجلسده گر
آه صاحب درد ایدر ماتمده خلقه چوخ اثر
گل ئوزون یاسیمده سن طوس ایچره افغانه باجی
.
.
دفتر خلقتده گویا ثبت ایدوب کلک قضا
زھریلن نالان اولوب غربتده جان ویرسون رضا
ای وطن آواره سی معصومه جان باغلا قرا
گلگلن طوسه بنا ایله عزا خانه باجی
.
.
گر خراسانده اسیر قوم عدوان اولموشام
راضیم جدیم حسین تک حقه قربان اولموشام
نادری یاز ملت ایرانه مهمان اولموشام
قبریم اوستونده قورالّار قصر شاهانه باجی
.
.
.
#سبک_زینبم_جان_اوستیم … 4 سبک
.
#رضویه_شهادت
#هارداسان_معصومه_تیز_گل_بیر_خراسانه_باجی
#نادری
#ترکی
.
.
✍️ #زبدةالاشعار ✍️
.
🆔: @nohe_torki
نظر دهید