در وصف شاه شاهان امیرالمؤمنین علیه السلام
.
✍️ زبدة الاشعار ✍️
?: @nohe_torki
.
عُلیَوی
.
جهان بیر قطره دور دریای رحمت مرتضانیندی
کرامت مرتضانیندی امامت مرتضانیندی
.
نه تنها مرد هیجادی که هر حسن اولسا دارادی
معایبدن مبرادی فضیلت مرتضانیندی
.
تمام عیبلردن ذات قدوسی منزه دور
تمام حسن لر حد نهایت مرتضانیندی
.
فهامت موهبت همت فخامت مکرمت حکمت
فصاحت مرحمت فطنت بلاغت مرتضانیندی
.
عبادت منزلت عزت مکانت منقبت قدرت
عطوفت عافیت عفت ابهت مرتضانیندی
.
مقام ومسندو مال ومنال وملکت و مکنت
شکوه و شوکت و شان و شرافت مرتضانیندی
.
جلال وجاه و جود وجزم وجزل وجفرو جهد جم
جمال و جرات و جلاب جنت مرتضانیندی
.
اوجا داغلار اگللر باشلارین دربار مولاده
دیللر بیز فنا اولوخ صلابت مرتضانیندی
.
گلنده عالمه حضرت آچیلدی کعبه دیواری
جلیل آلله بیان ائتدی جلالت مرتضانیندی
.
آناسی شرم ائدوب بیت خداده زایمان ائتسون
ندا گلدی مشرف قیل امارت مرتضانیندی
.
بوتون مسند نشین لر دم ویروب عدل و عدالت دن
ولی شاهددی الله که عدالت مرتضانیندی
.
قورولسا محکمه حق حاکم اولسا وئرسه لرحکمی
هامی محکوم اولار حکما حکومت مرتضانیندی
.
ولایت آیه سی اهل عنادین ویردی آغزینان
که یعنی ای منافقلر ولایت مرتضانیندی
.
قسیم النار والجنت علی دور وار روایتده
که یعنی جنت و نار و قیامت مرتضانیندی
.
رسول اللهیدن زهرایه چوخلار خواستگار اولدی
ندا گلدی که رد ایله بو وصلت مرتضانیندی
.
اولار که معتقد دی دورد خلیفه واردی اسلام دا
ائدولر ئوزلری اقرار اشادت مرتضانیندی
.
او اوچ حاکم اوچی بیر کافر ئولدیرموبدی میداندا
چکوب مرحبلری تیغه شجاعت مرتضانیندی
.
اروجلوق آیی حضرت پر چکوبدی عرش اعلایه
آچیلدی باب جنت که ضیافت مرتضانیندی
.
ائله غصب ائتدیلر حقین او مولانین منافقلر
باخان تاریخه سوئلر که مصیبت مرتضانیندی
.
بو شعره (علیوی) مولادن ایسته نامه وه امضا
که غوغای قیامت ده شفاعت مرتضانیندی
.
#حیدریه_مدح
#جهان_بیر_قطره_دور_دریای_رحمت_مرتضانیندی
#علیوی
#ترکی
.
✍️ #زبدةالاشعار ✍️
?: @nohe_torki
نظر دهید