زبانحال امام رضا (ع) به امام جواد (ع)
..
..
محمد حسین خلیل نژاد
..
..
هارداسان گل بو خراسانه جوادیم ئولورم
سنده بیر آغلا غریبانه جوادیم ئولورم
..
گوزلریم یولدا قالوب ای گوزومون نوری بالا
آغلورام منده یانا یانه جوادیم ئولورم
..
صون نفسده باخورام لحظه به لحظه قاپویا
یانورام آتش هجرانه جوادیم ئولورم
..
تئز یتیش دادیمه گُل تک سارالوب رنگ رُخوم
باد ظلم اسدی گلستانه جوادیم ئولورم
..
خبر ایله گله معصومه باجیمدا یانیما
چوخ سوزوم واردی او نالانه جوادیم ئولورم
..
ئولسه عالمده غریب آغلیانی اولماز اونون
اولی هر زادی غریبانه جوادیم ئولورم
..
گل خراساندا منی دفن ایله دوت مجلس ختم
شرکت ایت شام غریبانه جوادیم ئولورم
..
ممکنون اولسا یتور ئولماقیمی شیعه لره
پخش ایله کشور ایرانه جوادیم ئولورم
..
زهر کین سالدی ایاقدان منی تأخیر ایلمه
سو گتور من کیمی قربانه جوادیم ئولورم
..
فرشلری جمع ایلیوب توپراقا قویدوم یوزومی
اوخشورام شاه لب عطشانه جوادیم ئولورم
..
ایستورم جدّیم حسین تک قوری یرلرده ئولم
تاپشورام جانیمی جانانه جوادیم ئولورم
..
باشیم اوسته گلنیم یوخدی اوغول غصّه لیم
آخور اشگیم اودی دامانه جوادیم ئولورم
..
خویش و ائل یوخدی یانیمدا بو چتین مرحله ده
باخا بو دیدۀ گریانه جوادیم ئولورم
..
گل اوخی باشیمون اوستونده اوزون الرحمن
مایلم آیۀ قرآنه جوادیم ئولورم
..
منی مسموم ایلیوب پارچالانوبدی جگریم
گیدورم محضر جانانه جوادیم ئولورم
..
گل شتابان یانیما نچّه وصیّت ایلیوم
یتوب عمریم داخی پایانه جوادیم ئولورم
..
سوزوم عمده بودی یوخسوللاری مأیوس ایلمه
باخما یوخسوللارا خصمانه جوادیم ئولورم
..
دوماً اولگیلان دنیاده یتیملر آتاسی
رحم ایله جمله یتیمانه جوادیم ئولورم
..
فقرانی باشیوا جمع ایله ای عاقل اوغول
لطف قیل سنده رحیمانه جوادیم ئولورم
..
ذرّه جه ایتمدی سازش بیزیله دار فنا
اوف اولا بیر بیله دورانه جوادیم ئولورم
..
نا امید ایتمه بیرین گلسه امیدیله اوغول
بیله بیر درگه احسانه جوادیم ئولورم
..
دین یولوندا باشیوا گلسه نقدر درد و بلا
اگمه باش فرقۀ عدوانه جوادیم ئولورم
..
روزگارون نقدر سخت اولا صبر ایله دایان
ایت توکّل حق سبحانه جوادیم ئولورم
..
سنیده بیر گون اوغول مظلوم ایدر قوم دنی
دوندرر گوز یاشون القانه جوادیم ئولورم
..
یازدوقون شعر «خلیلا» اوخوناندا بولونر
بیتی بیر گولدی گلستانه جوادیم ئولورم
..
..
..
#رضویه #خلیل_نژاد #رضویه_شهادت #ترکی #زبدةالاشعار
متن های پیشنهادی برای شما
زمین کربلایه چونکی قویدون بیر قدم باجی #ورود_کربلا_حقیر_خویی
ورود به کربلا زبانحال امام به حضرت زینب علیهما السلام . 
#زبدةالاشعار . 
: @nohe_torki . مرحوم میرزا عبدالوهاب حقیر خویی . #سبک_حسین_جان_گل_علمدارون #سبک_خداوندا_الیم_بوشدی . زمین کربلایه چونکی قویدون بیر قدم باجیبیشتر
ای عاشق نیکو سیرِ شبه پیمبر #اکبریه_دلکش_زنجانی
میلادیه حضرت علی اکبر (ع) . #زبدةالاشعار . : @nohe_torki . مرحوم احمد رمضانی ( دلکش زنجانی ) . #سبک : وقتیکه دگوب فرق علی اکبره خنجر(مرحوم مؤذن زاده) . . ای عاشق نیکو سیرِ شبه پیمبر وی شیعهٔ پرشور علی ساقی کوثربیشتر
هارداسان حسین گل خیامووی #غارت_خیام_کاتب_اردبیلی
غارت خیام . . #سبک_نهر_علقمه_قویدی_چون_قدم مشابه . . مرحوم میرزا محمد صادق کاتب اردبیلی . . هارداسان حسین گل خیامووی غارت ائتدی دشمن یوخ پناهی زینب . شمر لشگری آلدی دوره می قالمیوبدی کیمسه دادخواهی زینب . بیر سسیمه سسبیشتر
چون انبیانی دعوت بزم غم ائتدیلر #حسینیه_یحیوی_اردبیلی
اسرار شهادت حضرت حسین (ع) .. .. .. مرحوم یحیوی اردبیلی .. .. .. چون انبیانی دعوت بزم غم ائتدیلر سرّ غمه او طایفه نی محرم ائتدیلر .. لوح مقدّراتون حجابین گوتوردیلر اوز ماجراسینه اولاری اعلم ائتدیلر .. اوندان صورا آلوببیشتر
ذکر لبیمدی نام رضا #رضویه_حضرتی_ناعمی
زبانحال زائر حضرت امام رضا علیه السلام . زبدة الاشعار ?: @nohe_torki . علیرضا حضرتی ( ناعمی ) . . ذکر لبیمدی نام رضا واردی الیمده جام رضا . درده دوا روحه صفا نام رضادی عشقه بها سرّ بقا جام رضادی . دل مست رضادیبیشتر
آلمیشام اذن شهادت وقت هجراندور آنا #اکبریه
وداع حضرت علی اکبر علیه السلام . زبدة الاشعار ?: @nohe_torki . مرحوم شهاب تبریزی . آلمیشام اذن شهادت وقت هجراندور آنا گل دویونجا گور منی فرصت بو بیر آندور آنا . آچما باشون یولما زلفون توکمه اشگون دامنه آغلاما بیربیشتر
نظر دهید