شهادت حضرت امام حسن مجتبی (ع)
..
..
#سبک_علی_جان_بالا_لبیک
مشابه
..
..
مرحوم خوندل تبریزی
..
..
بیله نازیله یاتما اویاندور باجی زینب
ئولوم حالتی منده عیاندور باجی زینب
..
..
سیلوب زهرلی بیرسو باجی نقش حیاتی
اورکدن آپاروبدی داخی صبر و ثباتی
دوداقیمده دلیمده دوروب قان قطراتی
بو قان پیک اجلدن نشاندور باجی زینب
..
..
منه گر چه ویروبلر باجی زهر مکدّر
شفا تاپماقا علت اولوب قبر پیمبر
بو زهریله وجودیم ولیکن ایله تیترر
جفائیله بهاریم خزاندور باجی زینب
..
..
دور ای مظهر زهرا دئ اطفالیم اویانسون
بیر آز قالدی بو ایودن گوگه ناله دایانسون
دئ قارداشیم حسینه باخوب حالیمه یانسون
حسینیم منه روح و رواندور باجی زینب
..
..
آنام باجی اویان دور چاتوب کامینه اشرار
دونوب هجره وصالیم گلور فرقت دلدار
بنی هاشمی ایله بو احواله خبردار
اولار قلبیمه تاب و تواندور باجی زینب
..
..
دور ای گلشن صبره جمالی گل رعنا
بو احوالیمی گور یان گلوب شیونه آغلا
گوزوم نوریدی قاسم خبردار ایله اما
دیمه اوغلوما بیردن جواندور باجی زینب
..
..
بلا تیری یاخوندور یانان قلبیمی دلسون
او تقدیر الهی گلوب باشه دوزلسون
بو آخر نفسیمده ابوالفضله دئ گلسون
گوروم بیرده دویونجا اماندور باجی زینب
..
..
خانم بیر گوزین آچدی دوروب قارداشا باخدى
سالوب آهی شراره دل عالمی یاخدى
دیدی بو سوزی گوزدن یوزه گوز یاشی آخدى
نه وار کیم سنه ورد زباندور باجی زینب
..
..
باخوب قارداشا آرتوب غمی صبری آزالدی
ایکی قولارین آچدی حسن بوینونا سالدى
دیدی وای منه حالون منیم صبریمی آلدى
دیدی دور گوگه آهون دایاندور باجی زینب
..
..
دوروب زینب کبری ایدوب گوزیاشی طوفان
حرمخانه ده ایتدی بو غم شرحینی اعلان
حسین آغلادی یاندی اولوب حالی پریشان
دیدی چوخ منه بو غم گراندور باجی زینب
..
..
گینه سنده نه حالت عیاندور آنام اوغلی
دوداقونده دوزولموش نه قاندور آنام اوغلی
ندور عین قضیه دئ آندور آنام اوغلی
دیمه رمزیله هر دم اویاندور باجی زینب
..
..
#حسنیه #خوندل_تبریزی #حسنیه_شهادت #ترکی #زبدةالاشعار
نظر دهید