زبدةالاشعار

هاردا یا اخا رأس اطهرون میهمان اولوبدور کئچن گئجه #کوفه_منطقی_زنجانی

ورود به کوفه
زبانحال حضرت زینب خطاب به سر مبارک امام
.
.
مرحوم منطقی زنجانی
.
.
هاردا یا اخا رأس اطهرون میهمان اولوبدور کئچن گئجه
نازنین باشا هانسی بیر لعین میزبان اولوبدور کئچن گئجه
.
.
سن شه حجاز و مدینه سن کربلاده بس لشگرون هانی
اهرمن مگر یول تاپوب سنه بارماقوندا انگشترون هانی
ای پیمبرین سینه زینتی جبرئیل اوپن اللرون هانی
قتلگاهیده همدمون یقین ساربان اولوبدور کئچن گئجه
.
.
رسمیدور طبیعتده خاتمه نوبهاره فصل خزان وئرر
کیم گوروب خزان بوستانیده فرّ نوبهاری نشان وئرر
آفت خزاندان صورا مگر بوستان گل ارغوان وئرر
تازه دن نیه گل بیلکلرون ارغوان اولوبدور کئچن گئجه
.
.
حالیوی سوروشماقلیقا گلوب قتلگاهه بیر مهربان بالان
آرزو ائدوب دیندیروب اونی بیرده قوللارین بوینونا سالان
اشک حسرت و درد فرقت و رنج غربتیندن خبر آلان
زجر شمردن خوف زجریدن باغریقان اولوبدور کئچن گئجه
.
.
سن شهید اولاندان صورا گئدوب غارته کئچن گونده خیمه لر
خرگه جلال امامتی ایستیوب اودا یاندیرا عمر
اود ویروب عدو خیمه گاهوه اولموشوق هراسان وخونجگر
دشمن جفاکار و بی حیا شادمان اولوبدور کئچن گئجه
.
.
پرشکسته بلبل لره دگوب کعب نیزه لر تازیانه لر
روزگاریده عزّ و نازیله پرورش تاپان نازدانه لر
باشلارینی تپراقه قویدولار گوردولر یانوب آشیانه لر
بیر یانیق چادر خیردا قیزلارا آشیان اولوبدور کئچن گئجه
.
.
اصغرین آناسی حزین حزین گوردوم آغلیور التهابیدن
علتین سوروشدوم او زاریدن آغلادوب منی بو جوابیدن
صود گلوبدی پستانیمه دئدی ایچموشم که بیر ذره آبیدن
تشنه اصغریم اود دوتوب یانوب ناتوان اولوبدور کئچن گئجه
.
.
آه و ناله ی زینبه قسم وئرّم ای شه کربلا سنی
ایسته حضرت کردگاریدن ایلسون مرضدن رها منی
عافیت لباسینه چولقاسین جمله ی مریض و مریضه نی
«منطقی» سنه چوخ امیدیلن نوحه خوان اولوبدور کئچن گئجه
.
.
#کوفه #منطقی_زنجانی
#هاردا_یا_اخا_رأس_اطهرون_میهمان_اولوبدور_کئچن_گئجه
#ترکی
.

متن پیشنهادی:  زهرا بوگون ترک ائیلدی دار فنانی #فاطمیه_اسماعیل_زرین

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی