هجران اودی یاندیردی دل و جانیمی گل گل #مهدیه_فانی_تبریزی

یا مهدی
.
#زبدۀالاشعار
.
: @nohe_torki
.
عباس داداش زاده( فانی تبریزی )
.
هجران اودی یاندیردی دل و جانیمی گل گل
آشفته قیلوب زلف پریشانیمی گل گل
.
آخر نفسیم دور اولورم هارداسان ای یار
شیطان آلاجاق گلمه سن ایمانیمی گل گل
.
نفسیم دور ایچیردیر منه هِی زهر هلاهل
آلوده ائدیر چشمۀ حیوانیمی گل گل
.
جهل اولدورر آخر من بی نام و نشانی
لطفیله چوخات رتبۀ عرفانیمی گل گل
.
دل تشنه دی سیراب ایله ای آب حیاتیم
یاندیردی عطش سینۀ سوزانیمی گل گل
.
روح آز قالیری ترک ائده بو جسم ضعیفی
گل بلکه گؤرم اول مه تابانیمی گل گل
.
ای حجّت حق هاردا قالوبسان؟ سنی تاری
دل ایستوری اول دلبر جانانیمی گل گل
.
ادرکنی سسی دولدوروب آفاقی، کی گل سن
غمدن بوشادارسان دل نالانیمی گل گل
.
بو جُمعه ده گئشدی گئنه ده گلمدون ای یار
قورتارمادون آخر غم هجرانیمی گل گل
.
ذکریم بو اولوب هر گئجه لر درگه حقدن
گؤندر منیم اول عالمه سلطانیمی گل گل
.
گوز یاشلی سنی گؤزلوری بو فانی مسکین
گل سن گوره سن دیدۀ گریانیمی گل گل
.
قوی گویده قالا جمله ردیف لر نولور اولسون
گل روشن ایله ظلمت امکانیمی گل گل
.
.
#مهدیه
#هجران_اودی_یاندیردی_دل_و_جانیمی_گل_گل
#ترکی
.
#زبدۀالاشعار
.
: @nohe_torki