زبدةالاشعار

هرماجرا جهاندا خدا امتحانیدی #مسلمیه_واصف_مرندی

امتحان ایمان
ماجرای جوان اردبیلی به نام عباس بذایی در کمک به حضرت مسلم علیه السلام
.
✍️ زبدة الاشعار ✍️
.
🆔: @nohe_torki
.
واصف مرندی
.
هرماجرا جهاندا خدا امتحانیدی
ایمان طریقتینده بقا امتحانیدی
.
اوفو بعهدی جمله سینی مدرک ایلسم
بوبندلیقده عهد ووفا امتحانیدی
.
قرآن صراحتیله دئیور اغنیا چون
جانسوز امتحان فقرا امتحانیدی
.
بیرگون علی اوتورموشودی بیردن آغلادی
اصحابی بولدی سری سزا امتحانیدی
.
سلمان سئوال ایلدی گویادلیلینی
سری سئوالیلر علما امتحانیدی
.
فرمایش اتدی بوذرین حالینه آغلیرام
الحق بدون چون وچرا امتحانیدی
.
عثمانه گتدیلر اوگجه بیعت آلماقا
بیعت قضیه سی امرا امتحانیدی
.
بیرنچه کیسه سکه قویوبلار حضورینه
بومسئله ولا و طلا امتحانیدی
.
غیضه گلوب دئدی ایکی توهین ایلدیز
یعنی سوزوز جفا و وفا امتحانیدی
.
اول خیال اتدیز ابوذر علی ساتار
ایمان باطنا بو نما امتحانیدی
.
دوم علینین ارزشینی سکه بولموسوز
فکرو خیالیز اهل ریا امتحانیدی
.
سلطانلارین اگرورسیز تاج تختینی
عشق علیده فن فنا امتحانیدی
.
عقل سلیمیله بونی بیر حق حساب ائله
آلله یانوندا گور نه اوجا امتحانیدی!
.
اوچ گون ابوذرین عاجیدی خوانواده سی
بو مرگ ناگهانیدی یا امتحانیدی
.
دخسان دوردوده بوسوزی قرباندا یازمیشام
حجاجه اوندا جان وبلا امتحانیدی
.
قربان یرینه جانلارینی وردی حاجیلر
اعمال واقعیده منا امتحانیدی
.
اما حسینین امتحانی بی نظیریدی
هربابیدن جهاندا فرا امتحانیدی
.
کوی وفاده مسلمینین کسدیلر باشین
ذحجه ده بو کرببلا امتحانیدی
.
باش نیزه ده یارالی بدن خاک وخونیده
بوماجرا فقط شهدا امتحانیدی
.
مسلم ائله ادامسیزیدی شهر کوفه ده
غربت مصیبتی غربا امتحانیدی
.
کیم مسلمه کمکلیق ادیدی اوشهریده
انسانیتده دست وعصا امتحانیدی
.
ایران و امام حسینده بئله یازیب
اتسن مطالعه فقها امتحانیدی
.
عباس بذایی بیر جوانیدی متین مرام
اهل دیار اردبیلدی اونیک نام
.
اما عملده عاشق کامل عیاریدی
آهنگری مغازه ده خدمتگذاریدی
.
درک اتدی مسلمین اوکمکسیز صداسینی
لبیک فکرینه عملا دلفکاریدی
.
اربابینه دیردی منیم کارمزدومه
وربیر قلج بوگون منه پایان کاریدی
.
اربابی اعتراضیلن اتدی مخالفت
بیر پاره آهنی گوتوروب بی قراریدی
.
چیخدی هراینه دئدی لبیک سیدی
گویا اولحظیه گجه دن انتظاریدی
.
لبیکی وردی واقعی روحیه مسلمه
افسوس اولا کمکسیزیدی زخمداریدی
.
اما سسین باتیردیلا تیر بلائیلن
اول قدری ویردیلار یاراسی بی شماریدی
.
منزللرین بیرینده حسینه همین خبر
جانسوزیدی مصیبتیدی ناگواریدی
.
فرمایش اتدی کیم کمک اولدی عم اوغلوما؟
غربتده چون بلا و جفایه دچاریدی
.
عرض اتدیلر آقا واریدی بیر نفرجوان
عباس آدیدی تورکودی عالی تباریدی
.
تحسین ادیب بویوردی او آزاده نامدار
تاریخ عشقه اردبیلین افتخاریدی
.
گویا اوحالدا اردبیلی ایلدی دعا
ایندی همان دعا اثری آشکاریدی
.
سسلندی مسلمین اوصغیره یتیملرین
گوردی اورگلری دونور غصه داریدی
.
باشلارینا چکیبدی عنایتلی اللرین
اهل حرم بوحاله گوروب اشکباریدی
.
یعنی یتیمیسیز منی بابا حساب ادین
غملر یتیملر ه آتادان یادگاریدی
.
بیرگون رقیه نینده چکیب باشینه الین
آخر وداعیدی سفر اضطراریدی
.
یعنی قیزیم یتیم اولاجاقسان زمانه ده
مندن صورا ایشیق گونوزون لیل تاریدی
.
بیردن اورگلنیبدی او دم مسلمین قیزی
عرض ایلدی بابا منه بوغم دوباریدی
.
اولما رقیه ده قوشولور بیز یتیملره
اوچ سنی وار بودرد اونا ناسازگاریدی
.
آرتیق سفارش ایله گیلن زینب عمّیه
کرببلا دیاری دولی ظلمکاریدی
.
.

متن پیشنهادی:  ای معلم ای نماد آگهی #معلم_شایان_ارومیه

#هر_ماجرا_جهاندا_خدا_امتحانیدی
#ترکی
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی