هر دل دیوانه دییر یا حسین #ورود_محرم_حضرتی_ناعمی

ورود ماه محرم
..
..
..
..
..
حضرتی (ناعمی)
..
..
..
..
..
هر دل دیوانه دئیر یا حسین
شمعیله پروانه دئیر یا حسین
قاره گییر اگنینه ماه عزا
شیعه یانا یانه دئیر یا حسین
..
..
..
..
..
ایل دولانار ماه عزا باشلانار
ماتم شاه شهدا باشلانار
سر به سر عالمده نوا باشلانار
کیم گلر افغانه دئیر یا حسین
..
..
..
..
..
عالم والا هامی دل داغلیار
شیر خدا باشه قرا باغلیار
فاطمه سسلر بالا وای آغلیار
اشکی دونر قانه دئیر یاحسین
..
..
..
..
..
زینب حسین وای دئیر هر سوزباشی
سئل کیمی رخساره آخار گوزیاشی
اوخشویار اللرده ئولن قارداشی
زار و ملولانه دئیر یا حسین
..
..
..
..
..
عشرتی عشاق فراموش ائدر
اهل وفا جام بلا نوش ائدر
مسجد و محرابی سیه پوش ائدر
می دولی پیمانه دئیر یاحسین
..
..
..
..
..
گل سئون عارفدی سئوریاس آدین
خبره تانور گوهر و الماس آدین
شیعه یازار پرچمه عباس آدین
باخجاق او عنوانه دئیر یا حسین
..
..
..
..
..
یاده جوانلار کی سالار اکبری
اشگیله محفلده دولار گوزلری
دوغرادی اعدا او ملک منظری
گوردیله مردانه دئیر یا حسین
..
..
..
..
..
هر کیم حسین عشقینه پابست اولار
هستی سینی فدیه وئررهست اولار
سسلر حسینون آدینی مست اولار
شوریله مستانه دئیر یا حسین
..
..
..
..
..
عالمه پیرایه حسیندور حسین
لطف حقه آیه حسیندور حسین
عاشقه سرمایه حسیندور حسین
سر یئته سامانه دئیر یا حسین
..
..
..
..
..
نام حسین عزّت الفباسیدور
مکتب عشقین گوزل املاسیدور
شیعه لرین سئوملی سوداسیدور
گؤر نئجه جانانه دئیر یاحسین
..
..
..
..
..
شیعه حدیث ثقلین ئورگنر
درسینی پرشوریله شین ئورگنر
مدرسه ده ذکر حسین ئورگنر
باشلاماز افسانه دئیر یا حسین
..
..
..
..
..