زبدةالاشعار

یتیش هرایه یاحسین یخلموشام ترابه گل #عباسیه_حسنی_تبریزی

استمداد حضرت عباس (ع)
.
✍️ #زبدةالاشعار ✍️
.
🆔: @nohe_torki
.
#سبک_دل_شب_ایلیوب_سفر … 4 سبک
.
حاج حسین حسنی تبریزی
.
یتیش هرایه یاحسین یخلموشام ترابه گل
وار احتیاجیم آی کیمی سنون تک آفتابه گل
.
.
غلاف ایدوبله جسمیمی بو گون سیوفه کوفیان
ایدوبله زخم جسمیمی اوخیله روفه کوفیان
سالوبلا آل هاشمون آیین خسوفه کوفیان
همان خسوفیله گیدور محل اغترابه گل
.
.
خسوفه یتموشم اگر چتین چیخام مداریدن
خوشام باخام سنون کیمی گونه ولی کناریدن
اولیدی بیر نفر سیلن بو چشم اشکباریدن
بو لخته قانلاری باخام چیخاندا آفتابه گل
.
.
یوخومدی ال سیلم گلن عذاره قانی یاحسین
سنون یولوندا من دیدیم فدا بو جانی یاحسین
سینان باشا بونوکرون گلورگمانی یا حسین
آتا سنون قدومووه یته بو گون ثوابه گل
.
.
دوشر گونون دالیجا آی که کسب نور ایلیه
او نوری کسب ایدر که تا غمین سرور ایلیه
گورن اولار هاچان منیم گونوم ظهور ایلیه
ظهور ایله ترحم ایت خسوف ماهتابه گل
.
.
سن ای امامتین گونی چخاندا شرق خیمه دن
اولیدی جانی ماهوون دورا بولیدی تازه دن
گلیدی پیشوازیوه یوز اوسته بو یارالی تن
دورانمورام وجودیمی سالوبدیلار عذابه گل
.
.
گوزوم بوصون نفس منیم رقیه اشک ریزدی
دیمه که قارداشیمدی بو آتام على عزیزدی
اوزوم غلامووام شها آنام آنان کنیزدی
ولیک نوکرون آقا یخوبدولار ترابه گل
.
.
یانوب دلون بو دشتیده ئولوبدی اکبرون سنون
آلوبدی غصه دوره وی یوخوندی یاورون سنون
فدا اولا قدومووه گلنده نوکرون سنون
گوروب جمالیوی گوزى صورا گدیدی خوابه گل
.
.
سنون یولوندا راضیم بوگونده بند بند اولام
کمند وصلوه دوشم بوچولده پای بند اولام
یانام شرار هجریله جمالیوه سپند اولا
سپند تک شراریله دوشنده پیچ و تابه گل
.
.
وار علتی بوصون نفس سیزیلدارام جرس کیمی
هرایمه دیم گله یوخومدی دادرس کیمی
ولیک تیرلر سخار بو روحیمی قفس کیمی
قفسده مرغ روحیمی سالوبلا اضطرابه گل
.
.
اگر چه روحیم عشقوه ازلده پای بست اولوب
شراب عشقوی ایچن همان زماندا مست اولوب
گل آل آپار امانتون گذشت ایله شکست اولوب
یم امیدیمی بو گون چووردوله سرابه گل
.
.
گلنده رسمدور شهی وزیری پیشواز ایدر
ادب یرین اوپر صورا حضوره کشف راز ایدر
منی خجل بو بارہ دن بو فرقۀ مجاز ایدر
گلیدی لعن یاحسین بو قوم بی حجابه گل
.
.
.
.
.
#عباسیه_حسنی_تبریزی
#عباسیه_شهادت
#یتیش_هرایه_یاحسین_یخلموشام_ترابه_گل
#ترکی
.
✍️ #زبدةالاشعار ✍️

متن پیشنهادی:  گوشه ی محبسده یارب گرچه زحمت وار منه #کاظمیه_مهدی_باغبان_باشی

🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی