هر زماندا دم به دم یا لیتنا عطشانی ام – #حسینیه_موسی_آقایی

ذکر و شعاریمدور حسین …
.
زبدة الاشعار
?: @nohe_torki
.
موسی آقایی اردبیلی
.
هر زماندا دم به دم یا لیتنا عطشانی ام
تشنه لب جاندان کیچن بیر مه لقا عطشانی ام
.
نه ریاست شوقی وار باشیمده شهرت تاپماقا
نه صفا بزمینده احسن مرحبا عطشانی ام
.
قطره نی شعریمده دریا یازمارام زردن ساری
اگمرم ظالملره باش ربنا عطشانی ام
.
آستان بوس سرای حیله ورزان اولمارام
شاعر سلطان احرارم صفا عطشانی ام
.
بیر توکون دلداریمین کل جهانه وئرمرم
سالک عشقم شه گلگون قبا عطشانی ام
.
دینیمی ئولسمده دیناریله تعویض ائتمرم
چون حسین ابن علی تک مقتدا عطشانی ام
.
تشنه ی عشقم منی کوثرده سیراب ایلمز
سائل باب المرادم کربلا عطشانی ام
.
تا نفس جانیمده وار ذکرو شعاریمدور حسین
گوز آچاندان باشدا شوریم وار بلا عطشانی ام
.
من او (موسایم) که طوریم تل زینبدور منیم
جرعه جرعه شهد شور نی نوا عطشانی ام

.

#حسینیه_مدح
#هر_زماندا_دم_به_دم_یا_لیتنا_عطشانی_ام
#موسی_آقایی
#ترکی
.
#زبدةالاشعار
?: @nohe_torki