ورد مقابله – شجاعت حضرت ابوالفضل
.
✍️ زبدة الاشعار ✍️
?: @nohe_torki
.
مرحوم یحیوی
.
علمدار دلاور
سپهدار مظفر
کمر بسته ی حیدر
او ضرغام غضبناک
ابوالفضل هنرور
وفا شهرتی واردور
وفادار حسیندور
بیوک منصبی وار دور
سپهدار حسیندور
.
.
ورد اول :
اوجا قامتی واردور
علمدار حسیندور
اوزون قوللاری وار دور
مددکار حسیندور
حسیندنده علاوه
خانم زینبه یاور
.
.
ورد دوم :
او سردار موقّر
او سیمرغ مقدّر
سالوب سایه ی شهپر
یاتاردی گنجه راحت
پناهنده حرملر
فراته گئده فرمان
وئریلدی او جنابه
قوی پیکر عقابی
چکیب زیر رکابه
.
.
ورد اول:
آتون پنجه سسیندن
دوشوب رعشه ترابه
آچوب سینه سپر تک
گلوب قهر وعتابه
اولوب لشگر کفره
غضب نقشی مصوّر
.
.
ورد دوم:
اَیا رستم یل یل
تماشایه اوزون گل
نئجه گور او اوزون أل
حریفون بوغازیندا
وئرور تیغینه صیقل
قیزیل گل کیمی رنگی
شکفته اوزی بشّاش
پَسِ ابر سپرده
گھی غایب و گه فاش
.
.
ورد اول :
گونون برقی دوشنده
فرار ائیلدی خفّاش
بیچوب باشلاری توکدی
مصادف اولوب هر باش
فراتون یاخونندا
یول آچدی اونا لشگر
.
.
ورد دوم :
تاپوب آب حیاتی
گوروب نهر فراتی
دوتوب دشت وفلاتی
أونی نالیه گتدی
سکینه حرکاتی
سووا مشگی سالاندا
سو قوزاندی هوایه
دییه بیلم او ساعت
گلوبدور سو نوایه
.
.
ورد اول :
منه وئرمه خجالت
منی سپمه فضایه
اورکلر قانا دوندی
یتور خیمه سرایه
هامی منتظروندور
سوسوزلار سنی گوزلر
.
.
ورد دوم :
سولان گللرون آغلار
شیرین دیللرون آغلار
علی اصغرون آغلار
بولور سن سودان اوتری
سنون کیملرون آغلار
اوزی چوخ عطشیدی
سودان ایچمدی اما
قوری مشگه سو دولدی
سالوب چگنینه سقا
.
.
ورد اول :
شروع اولدی دوباره
نیستانیده دعوا
هوانی بوریوب توز
قرالدی رخ صحرا
توز آیریلدی هوادن
اولوب ظاهر او سرور
.
.
ورد دوم:
علم سینه ده احمر
کسیلمیش ایکی اللر
دولوب قانیله گوزلر
ایاقیله ائدردی
گینه جنگ او دلاور
علمدارون او وقتین
نئجه شرح ائدوم ای داد
پارا مشگی دیشینده
ائدر تشنه لرین یاد
.
.
ورداول :
یوخیدی بدنینده
دمیر پیکانا تعداد
چیخوب ساحله گویا
سودان کشتی فولاد
سودان منصرف اولمیش
سالور تپراقا لنگر
.
.
ورد دوم :
بدن قرمزی قاندور
سو تک قانی رواندور
فقط شکلی عیاندور
گورنلر دیدی یوخ یوخ
بو عباس جواندور
اولوب لخته قیزیلقان
زره جوشن آهن
گورونمز بدنینده
اونون حلقه ی جوشن
.
.
ورد اول :
بسا که نگراندور
حسین تشنه لریندن
یارالارى قان آغلار
زره حلقه لریندن
گوزینون قباقیندا
دوروب حالت اصغر
.
.
ورد دوم :
عطشدن رخ آلی
اونون ماه جمالی
سولوب غنچه مثالی
سوسوزلوق اثرینده
اونون یتدی زوالی
.
.
#سبک_علی_جان_بالا_لبیک
.
#عباسیه_شجاعت
#علمدار_دلاور_سپهدار_مظفر
#یحیوی_اردبیلی
#بساط_کربلا_یحیوی
#ترکی
.
✍️ #زبدةالاشعار ✍️
?: @nohe_torki
نظر دهید