هر قامتی حلاج ، سرِ دار اولا بولمز #حیدریه_مصیبی_تبریزی

«مدح ومنقبت امیرالمومنین(ع)»
.
زبدة الاشعار
?: @nohe_torki
.

مصیبی تبریزی
.
هر قامتی حلاج ، سرِ دار اولا بولمز
هر داره چیخان میثم تمّار اولا بولمز
.
یوزییرمی نچه میندی گلن دهره پیمبر
حتّی بیریسی احمد مختار اولا بولمز
.
بی شهپراوچان گویلره شاید اولا امّا
هرکیم ده اولا ؛ جعفر طیار اولا بولمز
.
وار چوخلی دلاور کی آلوب چیگنینه پرچم
هرپرچم آلان قولسوز علمدار اولا بولمز
.
پیراهن عثمان علم اولدی ولی افسوس
بیلموبله علم ، جامۀ بدکار اولا بولمز
.
روبه نه قدرعمرائده روبه قالاجاقدی
همسفرۀ شیر اولسادا غدّار اولا بولمز
.
چوخ فاجعیه شاهداولوب بس درودیوار
یثربده کی امّا درو دیوار اولا بولمز
.
شورای سقیفه ایکی نامردین ایشیدی
لعنت دئمه سن عشقیوه معیاراولا بولمز
.
بیر ناکیشی قویدی باشینا تاج خلافت
مین ایلده قالا حیدر کرار اولا بولمز
.
پیغمبره ابلاغ اولونوب آیه اَکمَلت
آلله سؤزودور امرینه انکار اولا بولمز
.
ذیحجه نین اون سگیزی ییغدی باشا خلقی
بیرخطبه بویوردی ائله گفتار اولابولمز
.
سسلندی کی من هرکیمه سالار و ولیّم
مندن صورا حیدر کیمی سالار اولا بولمز
.
هرسینه ده گر واردی علی کینه سی بیلسون
اول سینه ولا کلکینه طومار اولا بولمز
.
بیر امر گراندی بو خلافت جریانی
منظور نبی گور بئله افکار اولا بولمز؟
.
معصوم گرک تاج خلافت باشا قویسون
هر نطفۀ ناپاک و زناکار اولا بولمز
.
هر ناکیشیه سن دئمه کی یار نبی دی
زهرایه جسارت ائلین ، یار اولا بولمز
.
سعی ایله گیلن عشقیوی عشق اهلینه بسله
هربی سروپاعشقه خریدار اولا بولمز
.
خیبرده ؛ آلوبدی علمی چیگنینه ثانی
غیض ائتدی پیمبر؛بئله رفتار اولابولمز
.
آلدی علمی،حیدره وئردی دئدی طاها؛
“حیدرکیمی خیبرده علمدار اولا بولمز
.
بیرده بونی بول دشمنه سرداردی مرحب
بیزدنده عم اوغلوم کیمی سرداراولا بولمز”
.
بیر لشکر ایچینده اولا گر شیرغزلخوان
پرچم وورانی روبه مکار اولا بولمز
.
مولا؛ئوزون احسان ائله ورنه بو«مُصَیّب»
مین ایلده قالا قبریوه زوّار اولا بولمز

.
#حیدریه_مدح #غدیریه
#هر_قامتی_حلاج_سر_دار_اولا_بولمز
#مصیبی_تبریزی
#ترکی
.
#زبدةالاشعار
?: @nohe_torki