مقام حضرت سیدالشهدا (ع)
.
✍️ #زبدةالاشعار ✍️
.
🆔: @nohe_torki
.
غلامعلی آذری
.
هر مجلس ماتمده حسینون آدی گلسه
زهرا او یئره ائتمگه افغان گله جاقدیر
دیلده وای حسین سینه ده ال زینب کبری
نوحه دئمه گه گوزلری گریان گله جاقدیر
.
.
ای مجلس آراده اوتوران اولما مکدر
ممکندی گله تسلیته جدّی پیمبر
گر اولسان حسین چی گله جک دادیوه حیدر
قرآن اوخویا شاه لب عطشان گله جاقدیر
امدادیوه جان اوسته او سلطان گله جاقدیر
.
.
هر مجلس ماتمده حسینون آدی واردی
اول مجلسینآند اولسون حسینه دادی واردی
تفسیر ائله سن بو آدین ،هر زادی واردی
هر یئرده بو آد دادیوه هر آن گله جاقدیر
تک قویمویاجاق قبریده مهمان گله جاقدیر
.
.
قارداش بیلوسن جملهیارانمیش ئوله جک دیر
کیم سویسه حسینی دادیناوردا بیله جک دیر
گراولسان حسینچی باشیناوسته گله جک دیر
امر ائیلییه جک جان آلانا شاه ولایت
جانین یواش آل نوکریمین تا اولا راحت
.
.
بو بیزدن اوتور دائیمی فریاد ائله ییبدور
اشک تریله بیزلره امداد ائله ییبدور
گوز یاشی توکوب جدّیمیزی شاد ائلیه ییبدور
بیزده بونی تک قویماروق امدادینه گللیک
اوّل گیجه سی قبریده فریادینه گللیک
.
.
گؤزله دئمه بو نوحه دئین وقتی آلیبدی
دیوانه کیمی گور نه سسین باشه سالیبدی
نوحه ایشه گلمز دکانیم باغلی قالیبدی
محشرده سنین دادیوه دکان گله جاقدیر
یا اینکه برادر شه شاهان گله جاقدیر
.
.
مانع دگیلم هر نقدر ثروتین اولسون
ایستیرسن ایکی دنیا اگر عزّتین اولسون
دوت دامن مولادن اونا حرمتین اولسون
امداده سنه شاه شهیدان گله جاقدیر
محشر گونی بیل دردیوه درمان گله جاق دیر
.
.
پیغمبر اکرم بو سوزی ایلییوب اعلان
کیم اوغلوم حسیندن اوتوری ائیلییه افغان
محشرده اونون اولمییاجاق گوزلری گریان
محشر گونی او شاد و خرامان گله جاقدیر
امدادینه اوردا شه مردان گله جاقدیر
.
.
آتدان که یخیلدی یئره سلطان سماوات
عرض ائیله دی یا الله یا قاضی الحاجات
توپراقلارا قویدی یوزونی ائتدی مناجات
عرض ائیله دی یا ربتوکولن قانلارا خاطر
گئچ امّتیمین تقصرین عطشانلارا خاطر
.
.
آگه سن ئوزون اوخلانوب اصغر قوجاقیمدا
بیر گولده قالار قویمادی عدوان بوطاقیمدا
سندن اوتوری جان وئریرم قان دوداقیمدا
هر کیمسه بیزه آغلاسا سالسا بیزی یاده
سنده اولارا ائیله کمک روز جزاده
.
.
کسدی حاجیلار قربانینی کوه مناده
منده نیچه قربان ائله دیم کرب و بلاده
سپدیم گویه اصغر قانینی قالدی هواده
حشره کیمی ائیله او قانی عرشیوه زینت
بیر گون ائدرم شیعه لره اوردا شفاعت
.
.
هر قدر یازا «آذری» دویماز آدیمیزدان
ال اوزمییه جک حشریده ده امدادیمیزدان
هیهات چیخاداق بیرگون اونی بیز یادیمیزدان
بیر عمر بیزه ناله و افغان ائله ییبدیر
بیزدن اوتوری گوزلری گریان ائله ییبدیر
.
.
#حسینیه_مدح #حسینیه
#هر_مجلس_ماتمده_حسینون_آدی_گلسه
#ترکی
.
✍️ #زبدةالاشعار ✍️
.
🆔: @nohe_torki
نظر دهید