#پندیات – #قرآن
.
#زبدةالاشعار
.
: @nohe_torki
.
مرحوم سید حسین کهنمویی (ریاضی تبریزی)
.
هر وعدۀ معهوده اجل اولماسا اولماز
زنبور عسلدن ده عسل اولماسا اولماز
.
.
دنیاده هر ایشدن که سنه خوش ثمر اولمور
دین اولماسا قرآنه عمل اولماسا اولماز
.
.
خلقتدن ازل سویلدی قرآنینی رحمان
تا ئورگشه تسلیم اولا قرآنه مسلمان
قرآن ایلیوب مردمه هر ایشلری آسان
دین اولماسا قرآنه عمل اولماسا اولماز
.
.
خالق که سیزوندور بلی دنیاسی سیزوندور
دنیانون اولان رتبۀ اعلاسی سیزوندور
روضاتی سیزون جنت والاسی سیزوندور
دین اولماسا قرآنه عمل اولماسا اولماز
.
.
خلق ایلمه میش خلقه یازوب روزینی خالق
دنیاده گلوب راحت اولا جمله خلایق
هرکس که اوزی ایستور اولاجنته لایق
دین اولماسا قرآنه عمل اولماسا اولماز
.
.
دین درسینی ئورگشمیَن آواره دی مطلق
یوخ دردلرینون چاره سی بیچاره دی مطلق
محشر گونی محشرده یوزی قاره دی مطلق
دین اولماسا قرآنه عمل اولماسا اولماز
.
.
قرآنی که پیغمبرینه گوندروب الله
ئورگدسون اونی ملته تا ایله سون آگاه
ئورگشمیه قرآنی اولار ملتی گمراه
دین اولماسا قرأنه عمل اولماسا اولماز
.
.
قرآن که گلوب جملۀ ادیانی آپاردی
موسینی گوتوردی دؤنوب عیسانی آپاردی
افکار یهودی و نصارانی آپاردی
دین اولماسا قرآنه عمل اولماسا اولماز
.
.
قرآندا بیوردی بو سوزی خالق یکتا
تابع اولا قرآنه یهودی و نصاری
یا هر نه عبادت ایده بیهوده دی بی جا
دین اولماسا قرآنه عمل اولماسا اولماز
.
.
قرآن که گلوبدور بیزه دستور العملدور
نه تک بیزه دستوریدی دنیایه مثلدور
هر ایش اولا قرآندان اولا حکم ازلدور
دین اولماسا قرآنه عمل اولماسا اولماز
.
.
دوت دامن قرآنی الون چکمه بوراخما
اگلش اوتی راحت قورولوب شورشه قاخما
هر نه دییله سوزلی دی بی جا سوزه باخما
دین اولماسا قرآنه عمل اولماسا اولماز
.
.
قرآنه عمل ائت نئجه گور راحت اولورسان
فکرون آزالی هرگونی بی زحمت اولورسان
دین اولماسا هر ایش اولا ناراحت اولورسان
دین اولماسا قرآنه عمل اولماسا اولماز
.
.
قرآنی اوخی کرب و بلا درسینی ئورگش
اوُل اهل وفا اهل وفا درسینی ئورگش
دینه عمل ایت دین خدا درسنیی ئورگش
دین اولماسا قرآنه عمل اولماسا اولماز
.
.
دنیاده حسین مذهب و ایمانی دیریتدی
قرآنه عمل ایلدی قرآنی دیریتدی
بیر بو سوزیله مردم دنیانی دیریتدی
دین اولماسا قرآنه عمل اولماسا اولماز
.
.
بو سید حسین آدلی ریاضی دی بیلورسن
دین اوسته هامی زحمته راضیدی بیلورسن
تازه دگی بیر صحبت ماضیدی بیلورسن
دین اولماسا قرآنه عمل اولماسا اولماز
.
.
#ریاضی_تبریزی
#هر_وعده_معهوده_اجل_اولماسا_اولماز
#ترکی
.
#زبدةالاشعار
.
: @nohe_torki
نظر دهید