مصائب حضرت سیدالشهداء
نوحه شور زنجیر زنی
.
✍️ #زبدةالاشعار ✍️
.
🆔: @nohe_torki
.
مرحوم تائب تبریزی
.
.
ورون باشه گلون افغانه شیعه
توکون گوز یاشوزی دامانه شیعه
.
سالون یاده حسینین کربلاسین
ایدون اؤز سینه زی غمخانه شیعه
.
نه ظلم ایتدی گورون اشرار کوفه
او صحراده شه عطشانه شیعه
.
ستمله باغلادی راه فراتی
سو ویرموب عترت قرانه شیعه
.
قالوب اوچ گون سوسوز آل پیمبر
سوسوزلیقدان گلوبلر جانه شیعه
.
دولاندی روز عاشورا یتشدی
داغیلدی اهل کین هریانه شیعه
.
شه عطشان او گونده ایتدی ایفا
ازل گون باغلانان پیمانه شیعه
.
اوگون یتمیش ایکی قربان او چولده
فدا ویردی ره جانانه شیعه
.
کفن پوش ایتدی اوّل اکبرینی
الیله گوندروب میدانه شیعه
.
قرار قلب لیلانی او چولده
ایدوب شام أهلى غلطان قانه شیعه
.
گلنده نعش اكبر یاندی زینب
ویروب صبر دلین تالانه شیعه
.
سکینه اکبرین نعشین گورنده
عجب دی اولمادی دیوانه شیعه
.
گورنده قاسمین نعشین آناسی
وراردی باشه یانه یانه شیعه
.
دیردی دمبدم ایوای اوغولوای
توکردی گوز یاشین دامانه شیعه
.
یاتانموب اوچ گجه اصغر سوسوزدان
او شیرین دل گلوب افغانه شیعه
.
حسین آلدى اله اول شیرخواری
آپاردی جانب میدانه شیعه
.
الینده اصغری زهرا عزیزی
دوتوب یوز فرقۀ عدوانه شیعه
.
دیردی رحم ایدون ایقوم کافر
بوسولموش غنچۀ عطشانه شیعه
.
آلون سیراب ایدون بو شیر خواری
اولان ای زادۀ سفیانه شیعه
.
الى اوستونده آلتی آیلیق بالاسین
نشان ایتدی عدو پیکانه شیعه
.
گیدوب لب تشنه سقا سو گتورسون
بنات سرور عطشانه شیعه
.
سو مشکی اوخلانوب سو آخدی گیتدی
یانوب دلدن غم سوزانه شیعه
.
قلم اولدی قولی یاتدی لواسی
اولوندی صبر ایوی ویرانه شیعه
.
گیدوب الدن علمداری حسینین
جهان تنگ اولدی اول سلطانه شیعه
.
کمک سیز قالدی اولموب بیر هوادار
او چولده ناطق قرآنه شیعه
.
آلوب اطرافینی دشمن حسینین
یتوردی ظلمینی پایانه شیعه
.
آچوبلار ظلم الین اشرار کوفه
حبیب حضرت سبحانه شیعه
.
او قدری وردیلار اوخ نیزه خنجر
نه تقریره گلرنه سانه شیعه
.
بو نوعی ایلوری راوی روایت
دگوب سانسیز یارا بیر جانه شیعه
.
دیردی العطش شاهنشه دین
دونَردی حوض کوثر قانه شیعه
.
او چولده گلدی قان دریاسی جوشه
دوشوب نوح بلا طوفانه شیعه
.
گچوب جاندان او سرور قانه باتدی
اولوندی جسمی شانه شانه شیعه
.
آیردی شمر دون باشین بدندن
گتوردی ظلمینی طغیانه شیعه
.
بو درگاهه تیکوب گوز تائب آغلار
وروبدور چنگ بودامانه شیعه
.
.
.
.
#حسینیه_تائب_تبریزی
#حسینیه_شهادت
#ورون_باشه_گلون_افغانه_شیعه
#ترکی
.
✍️ #زبدةالاشعار ✍️
.
🆔: @nohe_torki
نظر دهید