هزار شکر که قورتاردیم ایندی رقّتدن #فاطمیه_ام_لیلی

زبانحال حضرت زهرا سلام الله علیها
.
#زبدةالاشعار
.
: @nohe_torki
.
مرحومه #ام_لیلی ( کنیز فاطمه )
.
هزار شکر که قورتاردیم ایندی رقّتدن
شکایته گیدورم جدّیمه بو امّتدن
.
عدو جفاسیئله بیر قولوم سینوبدی بابا
شکست اولوبدی قابیرقام قاپیم یانوبدی بابا
.
در و دیوار آراسیندا قویوب شقاوتیله
نه نوعی سویلییم کی ئولوب محسنوم عداوتیله
.
عم اوغلومون قولی باغلاندی زار و دلخسته
چکیلدی مسجده شیر خدا یوزی اوسته
.
نجه دیوم بابا الله الینی باغلادولار
بو ظلمه کون و مکان اهلی جمله آغلادیلار
.
گجه گونوز چکرم آه و ناله ی دلسوز
یتیم اولور حسنین هم علی قالور یالقوز
.
بو بیر وصیّتیمه قیل عمل امیر عرب
جهاندا چوخ چکه جک بُل جفا قیزیم زینب
.
نه قدر گله الوندن اونا محبت ایله
اؤلوب آناسی سینوب قلبی چوخلی حرمت ایله
.
دیار کربوبلا ده جگرینی داغلالار
جوانلارین قاباغیدا قلیجلا دوغراللار
.
فرنگ اسیری کیمی باغلیاللار اللرینی
سویاللا زینتین لیک آلانمازلا معجرینی
.
.
برهنه ناقه نین اوسته چوخ فغان ایده جک
الی قولی باغلی شام و کوفیه گیده جگ
.
آلوشدی بو جگریم اود دوشوب نهادیمه
دوشوبدی کرب و بلا ماجراسی یادیمه
.
او گونکه کرب وبلا ایچره بوحسین شهید
قالیر قوشون آراسیندا بسان شمس ، وحید
.
شهید ائدیب کومکلرینی هم سالوللا میدانه
قولون سالوللا علمدارینین باتار قانه
.
علی اکبرینی خنجریله دوغراللار
علی اصغرینی ظلم اوخیله اوخللار
.
سالاندا آتدان او شاهی گروه بی ایمان
کسر عداوتیله شمر باشینی دالدان
.
بو زینبیم نجه صبرایلسون گورنده اوگون
مکوناته خلل یتدی شمس اولدی دیگرگون
.
حرم لرین گوزی یولدا قالاندا حسرتیله
گوره للر باشینی فرق جداده شوکتیله
.
.
#فاطمیه_شهادت
#هزار_شکر_که_قورتاردیم_ایندی_رقتدن
#ترکی
.
#زبدةالاشعار
.
: @nohe_torki