همیشه ایش سنه وعظ خدادیر، ای واعیظ #غزل #ناجی_شیروانی

#غزل #ناجی_شیروانی
.
#زبدةالاشعار
.
: @nohe_torki
.
ملاقدیر ناجی شیروانی
(ولادت 1240 ه.ق)
.
همیشه ایش سنه وعظ خدادیر، ای واعیظ (1)
قسم او وعظینه کیم بو، ریادیر، ای واعیظ
.
اوناسا کیم بویورورسان خطادان استغفار
او سنده اولماسا، امرین خطادیر، ای واعیظ
.
گؤره ر جهنّمی هر کس کی گلسه مجلیسینه
دمین خلاییقه دوزخنومادیر، ای واعیظ
.
کلام ایزدی دئرسن کی مال ائدیم حاصیل
دگیل بو موعظه، بیع و شرادیر، ای واعظ
.
زکاتا کیم فقرا مالیدیر، تیکیرسن گؤز
بو هانسی مذهب و دینده روادیر، ای واعیظ
.
بویورما ناجی یه تؤوبه شرابدان،کرم ائت
کیم اول ریا مرضیمچون دوادیر، ای واعیظ
.
(1)استقبال از شعر مرحوم سید عظیم شیروانی
نشیمنین کی سنین بوریادیر، ای واعیظ!
قسم او خالیقه کیم بو، ریادیر، ای واعیظ
.
.
.
#غزل_ترکی
#ترکی
#همیشه_ایش_سنه_وعظ_خدادیر_ای_واعیظ
#نشیمنین_کی_سنین_بوریادیر_ای_واعیظ
.
#زبدةالاشعار
.
: @nohe_torki