همیشه رسمدور عاشق بلایه طالب اولور #کربلا_هوشی_تبریزی

در آرزوی زیات کربلا
.
.
.
مرحوم غلامعلی باقری الهامی (هوشی تبریزی)
.
.
همیشه رسمدورعاشق بلایه طالب اولور
شکسته نی کیمی دلدن نوایه طالب اولور
.
غم فراقه دوزر آرزوی وصلیله
گجه گونوزاولی سرخوش ملال فصلیله
.
گچرفغانی چو وامق مه وثریادن
یانارشرارغم افتراق عذرادن
.
اوزون مثال قیلارصدق اوزیله مجنونه
فراق لیلیده بنزرسرشکی جیحونه
.
گزرصباح ومسا کوه ودشت وصحرانی
ولیک ترک ایلمزشورعشق لیلانی
.
گهی مجسّم ایدرگوزده حال فرهادی
یانارشرارۀ آهیله دلده فریادی
.
گلرتموّجه گویلونده حُبّ دیرینه
همیشه همدم اولارشورعشق شیرینه
.
بسان بلبل شیدا وصال یارایستر
غمیله خوشدل اولارفصل نوبهارایستر
.
اگرچه عاشق دلباخته بلاایستر
منیم بوغملی دلیم لیک کربلا ایستر
.
نه کربلا که اونون زینتی قزل قاندی
نه کربلا که عجب با صفا گلستاندی
.
نه کربلا گل آچوب بنزوری گلستانه
صفاده طعنه ویرارجنتّلیه رضوانه
.
نه کربلا ایله گلشن ایله بهاراولماز
او گلستان کیمی عالمده لاله زاراولماز
.
نه کربلاعدوظلم الین آچان یردور
حسین حرملری صحرالره قاچان یردور
.
نه کربلا که عدو دین ایوین یخان یردور
حسین سینه سینه شمردون چخان یردور
.
نه کربلا که آدی درد وغمدی سرتا سر
اویرده قانه باتوب طُرّۀ علی اکبر
.
نه کربلا که حسین اصغری قوجاقینده
صاقا صولا دولانوب اللری دودا قینده
.
نه کربلا که دونوب قانه زینبین اشکی
دولوبدی قانیله سقانون اوخلانان مشگی
.
نه کربلا که یتوب صدمه دست عبّاسه
دونوب او یرده اوگون قاسیمین طویی یاسه
.
نه کربلا که دلی یاندوران یردور
عروس اللرینه قان حنا یاخان یردور
.
نه کربلا که یانارشیعه لر فراقینده
یاتوب او یرده حسین اصغری قوجاقینده
.
نه کربلا که حسین قانینه باتان یردور
صحابه لری نازیلن یاتان یردور
.
نه کربلا که گینه سوزش عطش واردی
سواوسته عالم معناده کشمکش واردی
.
نه کربلا که گلستاندی سرخ لاله سی وار
قولاق ویرنده اویرده سکینه ناله سی وار
.
نه کربلا ایده هرکیم بصیرتیله نظر
گوررکه زینب هنوزاللری باشیندا گزر
.
نه کربلا که خانم چشم اشکبا ریله
تاپوبدی قارداشونون نعشین آه وزاریله
.
نه گوردی که یوزی اوسته دوشوبدی بیرپیکر
نه وار بدنده باشی نه بلکده واراللر

اوقدرسینه سی اوسته جفا اوخی ویرولوب
که نقشی محواولونوب بند بندیدن اوزولوب
.
وُروبدی قوم جفاجو زبس وجودینه سنگ
اوجسمه ساتر اولوب ظلم الیله سنگ وخدنگ
.
کمال دقّتیله اوپیکره باخدی
تانیدی قارداشیدوراشک حسرتی آخدی
.
یارالی قارداشینون گل تک عطرینی آلدی
اوپیکراوستونه بی اختیاراوزون سالدی
.
درون دلده گلوب مهرخواهری جوشه
عزیزجانینی بیرچکدی جان تک آغوشه
.
خطاب ایلدی ای ملک عشق سلطانی
بوجسموین باجون ای کاش اولیدی قربانی
.
بونه بدندی حسین سربه سرجراحت دور
نه باش نه الی نه بارماقی سلامت دور
.
بونه بدندی حسین بیربیله جسارت اولوب
جفا الیله سراسر لباسی غارت اولوب
.
بونه بدندی حسین بیله قوملاراوسته یاتوب
رضای حقّی دوتوب ماسوانی گوزدن آتوب
.
بو نه بدندی حسینیم که بیرجه صاف یری یوخ
پوزوبدی طرحینی سُمّ ستورونیزه واوخ
.
بونه بدندی حسینیم هنوزآخور قانی
ایدوبدی محکم او قان حکم دین وقرآنی
.
بونه بدندی حسینیم یاتوب تراب اوسته
باتوبدی قانینه بیرآیۀ حجاب اوسته
.
بونه بدندی یتیشمیوب بلاسی اتمامه
جدا باشیند اگیدورباشی گونکیمی شامه
.
بونه بدندی اوجالدوبدی بیرق دینی
ایدوبدی قا نیله تضمین رونق دینی
.
بونه بدندی فزون حدیدن جراحاتی
یراوزره سان ویروری انجم سماواتی
.
بونه بدندی یارلی هنوزقان ویروری
که جسم دینه اوقان جان جاویدان ویروری
.
بو شرح حال غمی (هوشیا) الونده قلم
دایاندی ایتموری بوندان داخی زیاده رقم
.
قوتاربومطلبی اول تابع خامه
حسین آدیله ولی باشلا اوزگه بیر نامه
.
بوآستانیه تیک صدق اوزیله چشم امید
برات کرب وبلا لطف ایدراو شاه شهید
.
بیرال که قاتیلینه گوستره سخاوتینی
یقین ایدرسنه شامل اوال کرامتینی
.
.
.
#کربلا #هوشی_تبریزی
#آرزوی_کربلا
#همیشه_رسمدور_عاشق_بلایه_طالب_اولور
#ترکی
#زبدةالاشعار
.