عید فطر
–
.
اکبر ستاری (قیزیل قلم)
–
وئریب دی وعده گلر یار عید فطر گونی
امید وصل دئییب وار عید فطر گونی
–
گلیب یئتینجه اوره‌ک صاحبی اوروج قالارام
رطب له ائتمرم افطار عید فطر گونی
–
زکات فطره دی بوسه منِ فقیره یئتر
یاریم اؤزو ائدر ایثار عید فطر گونی
–
وصالینه تَلَسن قلب لر اوروج دی هله
دؤزوب فراقینه آغلار عید فطر گونی
–
اوره‌ک ده بایراما لایق ترانه بسله میشم
فراهم اولسا دف و تار عید فطر گونی
–
گلیب یئتیشسه او سردار صاحب برکات
مغنّی لر بویون اوخشار عید فطر گونو
–
اولوبدو جمعه فطیر بایرامی مبارک دیر
لَذَت باغیشلادی گفتار عید فطر گونی
–
فَلَک مَلَک اولاجاق همصدا «قیزیل‌قلم» ییله
عدالت اوسته چکر جار عید فطر گونی
–
#عید_فطر
#وئریب_دی_وعده_گلر_یار_عید_فطر_گونی
#قیزیل_قلم
#ترکی
#زبدةالاشعار
زبدة الاشعار 
نظر دهید