کوچ از کربلا
.
✍️ #زبدةالاشعار ✍️
.
🆔: @nohe_torki
.
مرحوم غمگین امیرخیزی تبریزی
.
کربلا بو پیکر عریانی تاپشوردوم سنه
یعنی مرآت دل زهرانی تاپشوردوم سنه
.
.
جلوه گاه عرش اعظم باب رحمتدور بو یر
قبلۀ عرفان و مصداق حقیقتدوربو یر
قدرینی بل بارگاه سرّ وحدتدور بو یر
متن سبحان الذّی اسرانی تاپشوردوم سنه
.
.
پرتو نوری بو جسمین عرش اعلادن گیچر
جلوه گاه عشقیده بو نوربیضادن گیچر
کیم منیم تک بیربیله نورتجلادن گیچر
اشتراق جنّت ماوانی تاپشوردوم سنه
.
.
شب چراغ بارگاه حضرت جانان بودور
منشاء آیات نور نیّر سبحان بودور
مصحف و تورات و انجیله اولان بنیان ندور
نائب حق باطن قرآنی تاپشوردوم سنه
.
.
بو وجود نازنینین وجهی وجه الله دور
سر یزدان سرحق غیبیدن آگاه دور
باب رحمت باب عزّت ثار ثارالله دور
حشر اولاندا ایسترم بو قانی تاپشوردوم سنه
.
.
بو بدن یاده دوشن وقت شور شینیمدورمنیم
چونکه عمریم عزتیم نور دو عینیمدورمنیم
بو قزل قانه باتان پیکر حسینیمدورمنیم
یاخشی ساخلا بو سوسوز قربانی تاپشوردوم سنه
.
.
چکمز ال بو اشقیا مندن گیدیم یا گیتمیوم
گوگلوم آلقانه دونوب غمدن گیدیم یا گیتمیوم
آیریلوم ای کربلا سندن گیدیم یا گیتمیوم
جان کیمی باس باغریوا بو جانی تاپشوردوم سنه
.
.
ایستیرم حقدن که اود یاغسین بو کفار اوستینه
الده قمچی قویدولار یوز آل اطهار اوستینه
کربلا گر دوشسه گون قویما سپهدار اوستینه
من او قولسوز جان ویرن سقانی تاپشوردوم سنه
.
.
سنده گیتدی کربلا تاراجه مالیم قالمادی
شوکت و شانیم گیدوب جاه و جلالیم قالمادی
شاهزاده اکبر شیرین مقالیم قالمادی
اکبریله اصغرعطشانی تاپشوردوم سنه
.
.
کربلا سنده پوزولدی هر اساسیم آغلارام
غارت اولدی زیوریم گیتدی لباسیم آغلارام
قان حنا یاخدی اله شهزاده قاسم اغلارام
من گیدوب اول خانه سی ویرانی تاپشوردوم سنه
.
.
یا حسین چوخدور گناهیم داد و فریاد ایلرم
نوحه یازدوقجا غمینده نوحه و داد ایلرم
عرصه محشرده مولا سندن امداد ایلرم
«غمگینم»هر دردیمی پنهانی تاپشوردوم سنه
.
.
.
#کوچ_کربلا #غمگین_تبریزی
#کربلا_بو_پیکر_عریانی_تاپشوردوم_سنه
#ترکی
.
✍️ #زبدةالاشعار ✍️
.
🆔: @nohe_torki
نظر دهید