واردور شکایتیم فلک کج نگاهدن #اکبریه_ذلیل_تبریزی

حالات شهادت حضرت علی اکبر (ع)
.
#زبدةالاشعار
.
: @nohe_torki
.
مرحوم ذلیل تبریزی
.
واردور شکایتیم فلک کج نگاهدن
کج باخسا هر ائوه یخاجاق گاهگاهدن
.
کج باخدی یخدى آل على خانمانینی
واللّهى قویمادی اثر اول بارگاهدن
.
گتدی شه حجازی بلانون دیارینه
اوزدی الینی جاه و جلال و سپاهدن
.
دوغراندی نوجوانلاری شمشیریلن تمام
قان نهر تک آخاردی چوله قتلگاهدن
.
پس بیر یره یتیشدی او شاه شهون ایشی
ال چکدی بیر شبیه رسول اِلاهدن
.
نیّت ائدوب سوسوز أونی میدانه گوندروب
کیم ال گوتوردی بیر بئله آهو نگاهدن
.
گوندردی دوغرادیلا اونی لشگر زنا
قان چشمه چشمه آخدی او زرّین کلاهدن
.
میداندا دوغریاندا تماشایه چخدیلار
اهل حرم آیلمادی لا آهی آهدن
.
ویردوقجا سسلنوردی جماعت یاواش ویرون
رحم ایلیون آنام باخوری خیمه گاهدن
.
ئولدورمسوز اگر بیلورم ئولدورر منی
بو یاره لر سالوبدی منی تاب آهدن
.
باری چکون کناریده سیز ئولدورون منی
آلدوز قرار و صبر شه بی پناهدن
.
ناگه یتیشدی منقذ بیدین کمین ائدوب
مین جان آلوب دوباره او حال تباهدن
.
چوخ زوریلن ویروب قلج اگلشدی باشینه
شقّ القمر کیمی آیروب ماهی ماهدن
.
تأیید شاه اولماسا ائتمز یقین ظهور
بیر بیله سؤز «دلیل» کیمی روسیاهدن
.
.
.
#اکبریه_ذلیل_تبریزی
#اکبریه_شهادت
#واردور_شکایتیم_فلک_کج_نگاهدن
#ترکی
.
#زبدةالاشعار
.
: @nohe_torki