واردور یری رقیه آچا نطق قبریدن #کوچ_شام #زایر_تبریزی

کوچ از شام
.
#زبدةالاشعار
.
: @nohe_torki
.
مرحوم زائر تبریزی
.
.
واردور یری رقیه آچا نطق قبریدن
بو سس گله او دختر شیرین کلامیدن
.
یاندیم جهاندا من غم هجرانه عمّه جان
اولدی یریم بو گوشۀ ویرانه عمّه جان
.
.
امر قضایه مشکل اولا چاره سیز گیدون
بیر مندن اوتری اولمیون آواره سیز گیدون
غربتده تاپشورون منی اغیاره سیز گیدون
قالدیم بو شهر ایچینده غریبانه عمّه جان
.
.
دست قضا غریبه مزار ایلدی منی
درد فراقه چرخ دچار ایلدی منی
ائلدن بو روزگار کنار ایلدی منی
بیر چاره یوخدی گردش دورانه عمّه جان
.
.
مشتاقیدیم کی قبر علی اکبره گیدوم
ایلردیم آرزو من او قبرین طواف ایدوم
گلدی اجل خرابه ده قویدی منی نئدوم
غمدن دونوب منیم جگریم قانه عمّه جان
.
.
یتسه الوز او قبره سالون یاده سیز منی
افسوس اولمادی منه قسمت او مدفنی
من نایبه زیارتیمه ایلرم سنی
اول شمع قبر اکبره پروانه عمّه جان
.
.
سن قوی منیم یریمه یوزون قبر اکبره
اوخشا دویونجا آغلا شبیه پیمبره
اولدی منه بو گوشۀ ویرانه مقبره
ایتدیم فدا بو جانیمی جانانه عمّه جان
.
.
من که گیدنمدیم چکم آغوشه قبرینی
سیز ایلیون طواف بلون توشه قبرینی
افسوس گورنمدیم من او ششگوشه قبرینی
برپا ایدردیم اوردا عزا خانه عمّه جان
.
.
ئولدی سوسوز او چولده آتام قارداشیم منیم
اشرار ووردی چیخدی چون افلاکه شیونیم
اول قبریدن ایمدی دوشوب آیری مدفنیم
ال چاتموری قبور شهیدانه عمّه جان
.
.
بیرده اگر مدینیه گیتسه بو قافله
صغرا گلوب سوروشسا منیم حالیمی بله
ویرمه خبر آج قالماقیمی قورخورام ئوله
دریای محنتی گلی طوفانه عمّه جان
.
.
«زایر» چوخ ایسته لطف ایده خلّاق ذوالجلال
ایتسین عطا بو ایل سنه سرمایۀ حلال
حجّاجیله او روضه ده خوشدور همین مقال
یاندیم جهاندا من غم هجرانه عمّه جان
.
.
.
#کوچ_شام #زایر_تبریزی
#واردور_یری_رقیه_آچا_نطق_قبریدن
#یاندیم_جهاندا_من_غم_هجرانه_عمه_جان
#ترکی
.
#زبدةالاشعار
.
: @nohe_torki