زبانحال حضرت زینب (س) در کوچ از شام
.
✍️ #زبدةالاشعار ✍️
.
🆔: @nohe_torki
.
#سبک_نقش_من_چرا_نقش_ماتمه
#ساخلا_ناقه_می_کاروانیدن ( 8 سبک برای سینه زنی و زنجیر)
.
.
حاج علی زلفی تبریزی
.
.
قویما بیله تیره ترابه یوز
دور قزیم یولا دوشدی قافله
بو خرابه نی ایتمه اختیار
قورتاروب اسارتله غائله
.
.
گور نئجه قزیم عمه باجیلار
یثربه طرف رهسپار اولور
کیم باخور بو پوزقون مزاریوه
گوزلری دولور اشگبار اولور
عمه ن ایلیور نی کیمی نوا
قلبی سینه ده بیقرار اولور
بیله بولمه بو گیتماقیله سن
من آراسینا دوشدی فاصله
.
.
وار یری ئولونجه عزا دوتام
دائما گلم شور و شیونه
ای منه انیس و ای همزبان
سنسیز آخدی گوز یاشی دامنه
جانه گتدی درد و بلا سنی
چرخ دون وفا قیلمادی سنه
ایله آغلادون ایله سیزلادون
یاندی حالیوه غیر و عائله
.
.
گور اولوب محیا قطار غم
موکنان و سینه زنان گیدر
باجیلار دوشنمیش نوائیله
توزلی قبره یاغدردی اشگ تر
عالمی غمون یاندروب یاخار
زینبون یانور هامیدان بتر
نیمه جان ایدوب غملرون منی
منده قالمیوب صبر و حوصله
.
.
گور نه قالدی قوینومدا اللریم
قالمیشام قزیم یانه یانه من
سینه ده شرر چکدی محنتیم
تیر غمله اولدوم نشانه من
نسگیل اولدی دیلده ورانمادیم
توزلی زلفوه بیرجه شانه من
دور گیداخ اسارت تمامیدی
لعن اولا بالا قوم باطله
.
.
آلسالار وطنده سنی خبر
نه بیان ایدوم نه ویروم جواب
چوخ شکسته بسته یولا دوشوب
یثربه طرف آل بو تراب
لیلی اکبره اوخشور آغلیور
آختارور علی اصغرین رباب
قاسمین آناسی سریه چوخ
جور دهریدن ایلوری گله
.
.
عالم تحیر ده قالمیشام
بو نئجه یامان سرنوشتیدی
طالعینده وار چوخلی سر لر
مدفنون دیار دمشقیدی
گر چه دوزخ اولدی جهان سنه
یات بالا مکانین بهشتیدی
نه ایاقدا کونده وارون قزیم
یوخدی ایمدی بوینوندا سلسله
.
.
چاره یوللاریم باغلانوب بالا
کاش اجل گله درک ایده منی
دیل وصالیوه چوخلی میلی وار
تا چکم من آغوشه بیر سنی
چاره م اولسا قاللام یانوندا من
مدفن ایلرم بو خرابه نی
غم یمه سنی گوزدن آتمارام
عمریم اولسا گلم بو منزله
.
.
بو قریحه نی لطف ایدوب خدا
حمد خالق ایت قدردانی اول
(زلفی) پوچ سن آگه اول سوزه
چوخ تکبر ایتمه ایتیرمه یول
دیو نفسیوین آل قباقینی
گوشیوه گلور صوتی چون دهل
آل لجام نفسی اله قوتار
ویر غرور حصارینه فیصله
.
.
.
#کوچ_شام #زلفی_تبریزی
#قویما_بیله_تیره_ترابه_یوز
#ترکی
.
✍️ #زبدةالاشعار ✍️
.
🆔: @nohe_torki
نظر دهید