زبانحال امام علی (ع) در شهادت حضرت زهرا (س)
.
#زبدةالاشعار
.
: @nohe_torki
.
احمد پوریا
.
وفالی زهرا سَخالی زهرا
گیدن مزارینه یارالی زهرا
.
سَمای عشقین باتان هلالی
نه تیز غروب ایتدون حیالی زهرا
.
سسیمه سس ویر ماه منیریم
منه نفس ویر یارالی شیریم
.
نازلی گوزون آچ حیدریوم من
بیرده منه باخ همسریوم من
یارالی زهرا جان یارالی زهرا 2
.
.
.
.
صفای عمریم فصل بهاریم
گُلشن عشقیمده گوزل نگاریم
ای گلِ یاسیم نه تیز سارالدون
صبر و قراریم دار و نداریم
.
علی آدامسیز قالوبدی زهرا
طاقتیمی هجرون آلوبدی زهرا
.
گویلره سوز و آهیم اوجالدی
سنسیز علی بیر گونده قوجالدی
.
.
.
.
یانور غمونده نور دو عینون
باشه وروب آغلولاّ زینبینون
یاندورار عرشی شَرار آهیم
نه نه نوعی من ساکت ایدیم حُسینون
.
هجرین ایدوبدی قلب ایویمی قان
دانیش منیلن گر اولسا امکان
.
اُسوه ی نسوان دردیمه درمان
قلبیمه مَرحم روحیمه ریحان
.
.
.
.
گیتمه کی سنسیز دربدر اولّام
شمع مِثالی یانّام هدر اولّام
میخ در ایتدی سینوی مجروح
گورنده مسمار خونجگر اولّام
.
حیدره رحم ایت سوره ی کوثر
گیتمه مزاره دُخت پیمبر
.
قدّی خمیده دلبریم ئولدی
صولان گلِ نیلوفریم ئولدی
.
.
#سبک
پخش‌کننده صوت
#فاطمیه_شهادت
#وفالی_زهرا_سخالی_زهرا
#احمد_پوریا
#ترکی
.
#زبدةالاشعار .
: @nohe_torki
سوال : زبانحال حضرت زینب کبری (س) . نه یردی بو یر ای شهِ دوران آنام اوغلی حالون دولانوب اولدی پریشان آنام اوغلی . . سن واردبیشتر
نظر دهید