وورما آغاج او لعل در افشانه ای یزید #مجلس_یزید #کریمی_مراغه_ای

مجلس یزید
.
#زبدةالاشعار
.
: @nohe_torki
.
کریمی مراغه ای
.
وورما آغاج او لعل در افشانه ای یزید
سالما تزلزل عالم امکانه ای یزید
.
پیغمبر اوغلیدور بو گلوب میهمان سنه
اکرام ائدلَّه شرعیده مهمانه ای یزید
.
زهرا بو باشی سینه ده بسلردی نازیله
سن قویما پای تخته ذلیلانه ای یزید
.
قان قطره قطره شبنم اولوب گل جمالینه
بنزور چمنده بیر گل خندانه ای یزید
.
چوخ تشنه دی سولوب سارالوب گل دوداقلاری
قاتل سو وئرمیوب لب عطشانه ای یزید
.
شرم ائتمدون امامی گتوردون بو مجلسه
لایق دگول بو بزم او سلطانه ای یزید
.
رقص ایلوسن شراب ایچیسن اوینوسان قمار
ائتمیش بو سلطنت سنی دیوانه ای یزید
.
باخ بیر بو دست بسته لرین سوز آهینه
گلمه بو قدر ظلمیده طغیانه ای یزید
.
بیر گون یخار تفاقوی آهی رقیه مون
ایلر بو خانمانوی ویرانه ای یزید
.
قول باغلی اوچ یاشیندا بالا خسته آج سوسوز
سن ناز ائله او سفره ی الوانه ای یزید
.
وورما او قانلی باشی اونون چوخ بلاسی وار
بسدور گتورمه قزلارین افغانه ای یزید
.
گه نیزیه ووروب قویوسوز گه کول اوستونه
گه میهماندی دیرده رهبانه ای یزید
.
باجی یانیندا قارداشی وورماخ روا دگول
ائتمه یارالی قلبیمی چون شانه ای یزید
.
توکدون اوخون پاکی خیال ائتمدون ولی
اللهیدی مشتری بوهمین قانه ای یزید
.
تا ئولمیوب «کریمی» یانار نار محنته
آغلار همیشه شاه شهیدانه ای یزید
.
.
#مجلس_یزید #کریمی_مراغه_ای
#وورما_آغاج_او_لعل_در_افشانه_ای_یزید
#ترکی
.
#زبدةالاشعار
.
: @nohe_torki