« ای سو »
.
✍️ زبدة الاشعار ✍️
.
🆔: @nohe_torki
.
محمد علی مصیبی تبریزی
.
اورکلر قان اولوبدورکاش اولیدون سنده قان ای سو
دونیدون قانه ؛ تاقان اولماسین اشک روان ای سو
.
عطشدن خیمه لرده دلکباب اولموش سوسوز قیزلار
ائدوبسن چشم اطفال ِ حزینی خونفشان ای سو
.
ولایت گلشنینده یتمیش ایکّی لاله بیتمیشدی
ندن کسدون نظر،گولزارعشق اولسون خزان ای سو
.
مگر طاها سنی مَهر ائتممیشدی نام زهرایه
نه ایلرسن قیامتده ئوز عهدین سیندیران ای سو
.
اولوبدور خیمه لرده شورش محشر اوگون برپا
سنه حسرت قالوبدور اصغر شیرین زبان ای سو
.
سنون جورینده یاندی غنچۀ نوخیز آل الله
ربابین قامتین، بیلدون کی سن ائتدون کمان ای سو؟
.
گوروب یوخ چاره،اصغرقوللارین بندطناب ائتدی
بو غوغادن گلوب آه و فغانه قدسیان ای سو
.
عطش فریادی اوج ائتمیشدی یئرلردن سماواته
حرملر آز قالوب وئرسون عطشدن حقه جان ای سو
.
آلوبلار خیمۀ عباسی یکسر خورداجا قیزلار
سو جامی الده آه و زار ائدوللر تشنگان ای سو
.
رقیه العطش سسلور دیور یاندیم عمو عباس
ئوزوندن چوخ ائدوردی اصغره خاطر فغان ای سو
.
دیوب ؛ دریا کنارینده سو اولماز مشکِ سقاده؟
بو سوزدن قلبی اودلاندی ابوالفضلین اینان ای سو
.
همان عباسی قویدون سن خجالت یوم عاشورا
او ساعت کی اولوبسان مشکیده تیره نشان ای سو
.
دوشوبدور توپراقا سقا باخوب حسرتله بیر آبه
دیوبدی یتدی پایانه بو غملی داستان ای سو
.
اگرمشکیمده قالسیدون گوزی قوللاری نیلوردیم
یوزی اوسته گئدردیم خیمه گاهه جانفشان ای سو
.
دیئردیم تشنه قیزلاره آلون عباسین اطرافین
گتورمیش قانلی علقمدن بومشکی ارمغان ای سو
.
اگر مشکیمده قالسیدون ربابین گویلون آلمیشدیم
دونیدین قانه ، عباسی خجالتدن ییخان ای سو
.
یوزوم گلمور گئدم اخیامه قیزلار گورسه لر نیلوم
ائدوبسن ساقی دشت بلانی باغریقان ای سو
.
«مصیّب»بَسدی سوشرحین داخی یازماهراس ایله
فقط یازغملی گونده یاخشی وئردون امتحان ای سو
.
.
#فرات
#عباسیه_شهادت
#اورکلر_قان_اولوبدور_کاش_اولیدون_سنده_قان_ای_سو
#ترکی
.
✍️ #زبدةالاشعار ✍️
.
🆔: @nohe_torki
نظر دهید