طفلان حضرت مسلم
.
✍️ #زبدةالاشعار ✍️
.
🆔: @nohe_torki
.
مرحوم شعاع تبریزی
.
وور منه نقدر وورورسان سیلی تازیانه حارث
خوردا قارداشیمدان ال چک دوندی باغری قانه حارث
.
.
رسمدور صغیره نسبت ساخلاماز کبیر عداوت
خاصّه گورسه یوخ آتاسی حالینی ایدر رعایت
سهلدور اولار بو طفلی تاپشیروب آنام امانت
اوندا که وطندن اولدوخ کوفیه روانه حارث
.
.
یوخ گناهی بو یتیمون آه سردی وار اورکده
ایل غمی باجی فراقی آنا دردی وار اورکده
فوج‌فوج غم گیچوبدور غصّه گردی وار اورکده
سنده تازه‌دن گتورمه آه و الامانه حارث
.
.
نالیه گلر گوگ اهلی اولسا گر یتیم مهموم
ریشه‌سین قازار عیاندی اهل ظلمون آه مظلوم
ال گوتور عداوتندن ایتمه کایناتی مغموم
بسدی انقلاب سالما جهلیله جهانه حارث
.
.
کیم گوروب روا بو ظلمی بیر یتیمه سن گورورسن
مسلمون ندن چراغین باد غمله سوندورورسن
یوخسا بیر گناهیمز وار اوز ائوینده ئولدورورسن؟
دیموسن گلر بو غمده ماسوا فغانه حارث؟
.
.
یوخ دیین ندن وورورسان بو یتیم و زاره سیلی
تیتردور بو آغلیاندا عرش خالق جلیلی
ووروب ایتمه مثل سوسن بو جمال آلی نیلی
گورموسن دونوب بهاری ظلمیله خزانه حارث؟
.
.
ایتوروبدی قورخوسیندان گوروسن بو اوز اوزونی
دوتمور دیلی بیانه گتوره اورک سوزونی
رحم ایله خدایه خاطر باغلا هر ایکی گوزونی
سالما اضطرابه ویرمه خنجری نشانه حارث
.
.
گوزلور ایمدی یول وطنده ایوی یخلان آنامیز
چکور انتظار الیندن داد والامان آنامیز
اولماسن رضا اماندی اولا باغریقان آنامیز
دونه بار درد و غمدن قامتی کمانه حارث
.
.
یوخ سوزوم سنه اسیروخ الده نه علاجیمیز وار
رحمه گل مروّت ایله رحمه احتیاجیمیز وار
گوزی یولدا بیر پریشان دلشکسته باجیمیز وار
بیزی اوندان آیری سالدی ستم زمانه حارث
.
.
قورخوری مروّت ایله وورما قارداشیم اوشاقدی
آشیانوه گلوب بو پرشکسته قوش قوناقدی
صیده دامده اذّیت شرط رحمدن اوزاقدی
کیم گوروب روا بو جور و ظلمی میهمانه حارث
.
.
ال گوتورمه‌سن بو گونده ایلیسن جفاده طغیان
سنی جدّیمیز پیمبر اونی ایتمه قانه غلطان
خواهش ایلورم ازل کس منی قارداشیما قربان
یوزه توکمه‌سین سرشگین ایله یانه یانه حارث
.
.
ساخلا ال سمندر آسا هجر اودوندا یانوم ئولدور
قول بویون اولاخ سرشک چشمیله بویانوم ئولدور
ویر او قدر باری مهلت باشینه دولانوم ئولدور
ایمدی که باغیشلامورسان نه گلوب امانه حارث
.
.
ابر نوبهاره بنزر اشگیله گوزی دولوبدی
قورخودان قاچوبدی رنگی غنچه گُل‌کیمی سولوبدی
باغبان اولوبدی خارین ظلمینه دچار اولوبدی
گلشنین سموم محنت دوندروب خزانه حارث
.
.
ای «شعاع» بو اولسون عهدون لطف قیلسا کردگارین
آلاسوز بو حافظیله ایکی مدفنین کنارین
شوط ایدون سیز ایکی قارداش ایکی قارداشین مزارین
گوره‌سوز نجه سالوب اود ظلمیله جهانه حارث
.
.
#طفلان_مسلم
#وور_منه_نقدر_وورورسان_سیلی_تازیانه_حارث
#شعاع_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید