طفلان مسلم
.
✍️ زبدة الاشعار ✍️
?: @nohe_torki
.
مرحوم غمکش
.
حارثین جفاسی یا رب عالمی فغانه گتدی
شاهد اول بیزی بو ظالم آه و الامانه گتدی
.
.
یاندی قلبیمیز الهی شعله و شرار غمدن
گویلره اوجالدی دود آه آتشین ستمدن
انتقام اؤزون آل الله حارث جفا شیمدن
تازیانه سی بو ایکّی ناتوانی جانه گتدی
.
.
قلبیمیز دؤنوبدی قانه بسکی آغلادوق شب و روز
شهر کوفه ده بابامیز فرقتینده بیز جگر سوز
غصّه لی اورکدن ائتدی اوج آه عالم افروز
عرشیانی آه و زاره نالۀ شبانه گتدی
.
.
کیم گؤروبدی اؤز قوناقین میزبان بلایه سالسون
صورتینه سیلی ویرسون طاقت و قرارین آلسون
ویردیقیجا سیلی قهر و کینه سی اونون چوخالسون
سیلی سینده قهر و جورین ظلمیله عیانه گتدی
.
.
ایلروق فغان و ناله حیف ناله ده اثر یوخ
بیز غریب تک الهی بو جهاندا در به در یوخ
بیر نفر گله هرایه بو چتین زمان خبر یوخ
ظلم بی کران بو حارث ایلدی بهانه گتدی
.
.
بیر خانیم بیزه ازلده مهر و رحم رأفت ائتدی
گؤزلریمیزین سرشکین سیلدی چوخ محبّت ائتدی
یئر سالوب بیزی یاتیرتدی، خوابگاهی راحت ائتدی
شاد ائدوب رسول حقّی لطف بی کرانه گتدی
.
.
قوش کیمین سیخیلمیشیدوق کنج منزلینده خوابه
حیف اولا فلک دوباره سالدی اؤزگه اضطرابه
گلدی حارث آچدی باب ظلمی ایکّی دلکبابه
اشک غم بو دیده لردن اول دنی روانه گتدی
.
.
مشکل امریمیز الهی اؤزگه مشکله یئتیشدی
تازه بیر بلا بو ایکّی زار و خوندله یئتیشدی
نیسگیل اوسته یاغدی نیسگیل اوج نیسگله یئتیشدی
گلستان آرزونی ظلمیلن خزانه گتدی
.
.
وئر اؤزون مروّت الله بو لعین فتنه سازه
بلکه بو ایکی غریبه نئچّه دم وئره اجازه
دستماز آلاق دوراق تا جان نئچیکی وار نمازه
آخرین نماز شاید شأن جاودانه گتدی
.
#سبک_سو_یوخومدی_قزلاروندان (بیش از 5 سبک)
.
#طفلان_مسلم
#حارثین_جفاسی_یا_رب_عالمی_فغانه_گتدی
#غمکش
#نوحه_های_محرم_غمکش
#ترکی
.
✍️ #زبدةالاشعار ✍️
?: @nohe_torki
نظر دهید