شهادت حضرت رقیه (س)
زبانحال حضرت زینب (س)
..
..
#سبک_ویرانه_ده_نازلو_بالام
..
..
هادی سلطانمحمدی
..
..
ویرانه ده یورقون بالام ، اولدوز کیمین باتدی
پیغمبرین اولادینی ، غربتده آغلاتدی
..
..
عبّاسیله قارداش حسین ویرانه یه باش چک
درد فراق و هجرانا ، چوخ سختدور دوزمه ک
غم غصّه دن نازلی بالان،سولدی قیزیل گول تک
توکدی یوزه گوز یاشینی ، رخسارین ایسلاتدی
..
..
سیندیردی صبرین جامینی نالان قیزین بیردن
بی تاب اولوب چوخ آغلادی، طاقت گئدوب الدن
یول خسته سی غم یورقونی،ایندی دوشوب دیلدن
فکر و خیال یثربی ، باشدان بالام آتدی
..
..
قارداش حسین درد و محن اولدی اونا یولداش
یول لاردا قالدی گوزلری ،سن گلمدین قارداش
آه و فغان ائتدی بالان ، آخدی یوزه قانیاش
غملی هُمانین ناله سی ، یئردن گویه چاتدی
..
..
کرب و بلادن آغلایوب ، دشمن ویروب سیلی
قمچی دیوب قول لارینا ، قول لار اولوب نیلی
وار دور بو ظلم و طغیانین ، بیر آیری تحلیلی
ثانی صفت اول دختری ، زهرایه اوخشاتدی
..
..
ویرانه نی یورقون قیزیم ، بیت الحزن ائتدی
آخشام سحر چون آغلادی ، تاب و توان گئتدی
سولدی سارالدی غصه دن ، جان لبلره یئتدی
یومدی رقیه م گوزلرین ، زهرا کیمین یاتدی
..
..
قارداشیمون ایستکلیسی، گلمیشدی چون جانه
دوندردی هیجران غصه سی، باغرین اونون قانه
اولدی خرابه گوشه سی ، کنج عزا خانه
گوندوز گئجه گوز یاشینی ، خون دله قاتدی
..
..
گریان رقیه م شامیده ، غم بحرینه جومدی
بستر بونا ویرانه ده ، توپراقیله ، قومدی
درد فراقه دوزمه دی ، آغلار گوزون یومدی
جان وئردی زینب سینه سین ، غربتده داغلاتدی
..
..
گوردی آتاسین خوابیده ، دوردی منه باخدی
گوزدن عذاره قان یاشی ، سئللر کیمین آخدی
نیسگیل شراری قلبینی ، یاندیردی هم یاخدی
یئتدی نواسی گویلره ، افلاکی لاخلاتدی
..
..
بی کس باباسین سسله دی ، هردن ده قارداشین
توکدی بولودلار تک ئوزه ،حسرتله گوز یاشین
گوندردی بی ایمان یزید ، قارداشیمین باشین
اولدی رقیه م باغری قان ، سجادی آغلاتدی
..
..
مظلوم امامین باشینی ، قویدوخ قباقیندا
ویردی حسین ین باشینا ، مسکن قوجاقیندا
گوردی یوموبدور گوزلرین ، قان وار دوداقیندا
روحی بدندن آیریلوب ، کلثومی اوخشاتدی
..
..
وقت اسارتده بالام ، قالدی قوری یئرده
شمرین ایشی، غربت غمی، سالدی اونی درده
فاش ائتمه دیم چوخ زادلاری، چکدیم سوزه پرده
بو امرلر دردانه نی ، شام ایچره ساخلاتدی
..
..
«سلطانیا» ساخلا الین ، ختم کلام ائیله
بیرده رقیّه روحونا ، عرض سلام ائیله
یازما یانخلی سوزلری ، بوردا تمام ائیله
گوز یاشلارین عارضلره ، بو نوحه باغلاتدی
..
..
#حضرت_رقیه #هادی_سلطانمحمدی #حضرت_رقیه_شهادت #ترکی #زبدةالاشعار
نظر دهید