شهادت حضرت رقیه(س)
: @nohe_torki
.
#سبک
پخش‌کننده صوت
ابوالفضل عباسی معروفان
.
ویرانه نون مارالی کرب و بلا غزالی
جان ویردی نصف شبده گل پیکری یارالی
عشقون دوزی غم اولدوزی ویرانسراده باتدی
یومدی گؤزون قویدی یوزون تپراقلار اوسته یاتدی
.
.
.
آختاردی ناله لردن ئوز دردینون دواسین
آغلاردی عمه سیندن ایستردی ئوز باباسین
دسن فلک گتوردی قانلی باشی طبقده
گؤردی دوداقلاریندا تا خیزران یاراسین
یورقون بالا حالدان حالا دوشدی گئدوب نفسدن
شهپر آچوب روحی اوچوب قوش تک کیچیک قفسدن
.
.
.
چاتدی دم وصاله آتدی داشین فراقین
آلدی قوجاقه باشون اول یاره لی قوناقین
الدن گئدوب توانی قویدی یئره او باشی
اطرافینه دولاندی ئوپدی سوسوز دوداقین
سسلندی وا عطشان بابا قان واردی لبلرینده
عفو ائت بابا یوخدور دوا دلداررین اللرینده
.
.
.
تپراقلار اوسته یاره اول یاره لی نگاره
تا سؤزلرین دانیشدی دوشدی نفس شماره
بیردن یارالی قوش تک بی جان یئره یئخیلدی
آی محضرینده ائتدی جانین فدا ستاره
ائللر باخوب اولدوز آخوب عشقین نشان وئروبدی
غم بلبلی زینب گولی اللرده جان وئروبدی
.
.
.
ایواییلن یازیلدی محنت لرین کتابی
گؤردی دوشوب نفسدن زینب او دلکبابی
یوز دوتدی اهلبیته سسلندی آی خانملار
رحم ایلیون اماندی آرام ائدون ربابی
غمدن ئولور قلبین بؤلور غصه او دلکبابین
سیز آغلیون دل داغلیون گؤیلون آلین ربابین
.
.
.
ویرانه غمله دولدی یکسر نوا سسیندن
گویا که محشر اولدی واویلنا سسیندن
ذکر ائتدی تا که زینب لایلای بالام رقیه
بیردن دولوب خرابه یا مرتضی سسیندن
قارداشسیزا یورقون قیزا بزم عزا قورولدی
غمخانه ده ویرانه ده قاره علم وورولدی
.
.
.
#حضرت_رقیه_معروف_اهری
#حضرت_رقیه_شهادت
#ویرانه_نون_مارالی_کرب_و_بلا_غزالی
#ترکی
.
#زبدةالاشعار .
: @nohe_torki
نظر دهید