توکمه اشک حسرت مه لقا اوغول گیت #اکبریه_تابع_تبریزی

وداع حضرت علی اکبر علیه السلام
.
.
مرحوم تابع دین
.
.
توکمه اشک حسرت مه لقا اوغول گیت
باخما لیلی ایلور چوخ نوا اوغول گیت
واردی قتلیوه فرمان
دینه اولماقا قربان
باوفا اوغول گیت
.
.
گوزدن اشک چشمیم عارضه رواندور
آیرلیق غمینده دوزماقیم یاماندور
من اولوم سنه قربان
یتدی موقع هجران
باوفا اوغول گیت
.
.
بیر یری قاباقجا ای شبیه طاها
بیر دویونجا ایلوم قدّیوه تماشا
گیت بویان اوغول قانه
فدیه اول بو قرآنه
باوفا اوغول گیت
.
.
صبر ایله دوتوم بیر باشون اوسته قرآن
سن مسافریمسن سو سپوم دالونجان
یوخ سووا چون امکانیم
واردی چشم گریانیم
باوفا اوغول گیت
.
.
من جهاندا سنلن ای اوغول عزیزم
سویلمم آناوم بلکه بیر کنیزم
سن منیم امیدیم سن
گوزلریمده دیدیم سن
باوفا اوغول گیت
.
.
عازم اولموسان سن دشت کارزاره
باشیوی گتور قوی سینمه دوباره
عطریوی آلیم بیرده
گلمسون گوگل درده
باوفا اوغول گیت
.
.
ای منیم امیدیم ای منیم پناهیم
بی سبب اوجالمور عرشه دود آهیم
واردی دلده مین محنت
لیک الده یوخ فرصت
باوفا اوغول گیت
.
.
آیرلیق ئولومدن چوخ بیوک بلادی
آغلاسام بو غمده حشره تک سزادی
روحیم آیرلور تندن
ئولماقا گیدیر سنلن
باوفا اوغول گیت
.
.
گیت بو چولده ایله دین حقّى احیا
اوز مدارکون ایت قانویله امضاء
فخردور بو لیلایه
دوشسه باشی غوغایه
باوفا اوغول گیت
.
.
هجر اوتوندا یانّام هر غمه بویانّام
شرم ایتمسم من باشیوا دولانّام
هر غمه دوزوم واردی
دلده چوخ سوزوم واردی
باوفا اوغول گیت
.
.
تابع دینون وار قلبینون یاراسی
واردى ایمدی سنده دردینون دواسی
لطفاً ایت اونا احسان
ایله دردینه درمان
باوفا اوغول گیت
.
.
#اکبریه #تابع_تبریزی #اکبریه_شهادت #ترکی #زبدةالاشعار