ویرانیه سن بیر شوکتیله گلدون یارالی دیداره بابا #حضرت_رقیه_دلپاک

زبانحال حضرت رقیه (س)
در خرابه شام
..
..
..
..
..
#سبک_ساخلا_ناقه_می
..
..
..
..
..
رضا غلامپور (دلپاک)
..
..
..
..
..
ویرانیه سن بیر شوکتیله
گلدون یارالی دیداره بابا
دیداره گلیب ائتدون دل شب
آگه منی سن اسراره بابا
..
..
..
..
..
وئر بیرده بها بو بیر سوزومه
آچ قانلی گوزون باخ یوز گوزومه
گور لکّه دوشوب سولقون یوزومه
بو یوزده کی باخ آثاره بابا
..
..
..
..
..
همّت علمین قلبه وورارام
گرچه اوزمی غمدن یورارام
هر گه ایاقا یئردن دورارام
قویّام الیمی دیواره بابا
..
..
..
..
..
اهل حرمین دردانه سیم
هر بی ادبین بیگانه سیم
شمع رخوون پروانه سیم
محوم بئله بیر رخساره بابا
..
..
..
..
..
بس هانی الون هانی ایاقون
اکبر کیمی بس هانی دایاقون
ای وای یارادی عطشان دوداقون
یاندیری منی بو یاره بابا
..
..
..
..
..
خون جگری اشکه قاتیرام
ویرانه ده من گون تک باتیرام
باخ گور گجه لر هاردا یاتیرام
باخ بیر محن دشواره بابا
..
..
..
..
..
یارَم آرالی هر مرهمیله
سینم سیخیلیر هر بیر دمیله
سندن سورا بیز درد و غمیله
اولدوخ نجه گور آواره بابا
..
..
..
..
..
غم رختینی من هر گون گییرم
غمدن دانیشیب غصّه ییرم
گه اصغریمه لای لای دیییرم
گه ایستییرم گهواره بابا
..
..
..
..
..
قالسین هله هر بیر یاره سوزی
غارت ستمی گهواره سوزی
سیلی اثری گوشواره سوزی
نه غم کی یوخوم گوشواره بابا
..
..
..
..
..
تندن قوتارا جانیم چالیشیر
غم شعله چکیر قلبیم آلیشیر
نه من سنیله روحوم دانشیر
روحیمدی گلیب گفتاره بابا
..
..
..
..
..
سنسیز باشیما غم سایه سالیب
خوش گونلریمی قلبیمدن آلیب
هجرون منی گور نه حاله سالیب
نه بیر محن غمباره بابا
..
..
..
..
..
غمدن باشیمی قویّام بو دیزه
بیر چاره یولی چون یوخدی بیزه
اما بو گجه بو چاره سیزه
گتدون سن اوزون بیر چاره بابا
..
..
..
..
..
واردور بولوسن لطفونده گوزی
زائردی منه قلبینده اوزی
ایسته بو یئره گلسین بو سوزی
دلپاک اوخوسون زواره بابا