شهادت حضرت خاتم الانبیا (ص)
.
✍️ #زبدةالاشعار ✍️
.
🆔: @nohe_torki
.
مرحوم نادری
.
قورخما زهرا امر حق اولموش بو گون نازل منه
گئت قزیم آچ قاپونی مهماندی عزرائیل منه
.
.
آغلاما اولما پریشان صبر قیل زهرا قزیم
حکم خلاق ازل اولسون گرک اجرا قزیم
قابض الارواحدور ئوز امرینه دارا قزیم
بی اجازه داخل اولماز اهل حرمتدور بالا
آخرین دیداریمیزدور وقت رحلتدور بالا
.
.
بیل بو عزرائیل گلوبدور قبض روح ائتسون منی
گوللرون تاراح ائدوب خاموش ائده بو گلشنی
ای منه روح و روان اللهه تاپشوردوم سنی
وئر اجازه داخل اولسون پیک سبحان منزله
حکمی اجرا ایلسون گلسون رضای حق اله
.
.
وار یری عرض ایلیاق ای صاحب باغ فدک
بی اجازه داخل اولمور منزله هئچ بیر ملک
پس ندن دوران دولاندی دؤندی بو چرخ فلک
هتک حرمت ایلیوب یاندیردیلار درگاهیوی
مسجده جبراً عُمَر چکدی ولی اللهیوی
.
.
بس نجه زهرایه قمچی ووردی قوم دون و پست
محسنی سقط ائتدی زهرا اولدی بازوسی شکست
ییرمی بش ایل حق ولی سین ائتدیلر خانه نشست
دویمادی جور و جفادن قوم عدوان یا رسول
آ؛لادوب بیت الحزنده کائناتی بو بتول
.
.
غصب اولوب حقی علینون اولدی نالان فاطمه
قالی یتمیش آلتی گون زار و پریشان فاطمه
آز بیر عمریله گئدوب عقبایه گریان فاطمه
ایش بورا منجر اولوب گیزلینجه دفن اولسون بتول
ایلمز بو ظلمی حتماً خالق سبحان قبول
.
.
دفن زهرانی بلوب اظرار عصیان ائتدیلر
خلقی تحریک ایلیوب قبر اوسته طغیان ائتدیلر
نبش قبر اولسا اگر دنیانی ویران ائتدیلر
بو خبر درهم ائدوب شیر خدا احوالینی
باغلیوب باشه علی فوراً غضب دسمالینی
.
.
ذوالفقاره ال آتوب دوندی غضب دریاسینه
گئتدی قبرستانه باخدی غیضیلن اعداسینه
سسلنوب : آیا گلوبسوز سیز علی دعواسینه
قورخیا دوشدی جماعت ترک مقصد ائتدیلر
تک قویوب مولانی قبر اوستن جماعت گئتدیلر
.
.
سالدی بو سوز یادیمه کربو بلا صحراسینی
چون حسینون قتلگهده یوم عاشوراسینی
سالمادون یاده ندن بس کربلا زهراسینی؟
تل دن میدانه قاچدی درک ائده قارداشینی
شمر الینده گوردی قارداشین کسیلمیش باشینی
.
.
اولمادی ممکن گئدوب قارداشینون نعشین تاپا
یا حسین گویان قیتدی ایلسون محشر بپا
حکم اولوب لشگر حسینون نعشی اوسته آت چاپا
زینبو فریادی سالمشدی سماواته طنین
هرادا قالمشدون او ساعت یا امیرالمؤمنین؟
.
.
بو خبر بیچاره زینب صبرینی الدن آلوب
یوز نجف سمته دوتوب فریاد واویلا سالوب
گل بابا نعش حسین آتلار ایاقینده قالوب
یا ئوزون گل یا کمک گوندر اباالفضلی منه
قالمشام آواره سرگردان دخیلم من سنه
.
.
«نادری» یاز یاعلی ترک عدالت ائتمدون
نبش قبر حضرت زهرایه طاقت ائتمدون
ظهر عاشورا ندن بس کربلایه گئتمدون؟
عترت زهرایه اوردا شامیلر ال تاپدیلار
گوز قباقینده حسینون نعشینه آت چاپدیلار
.
.
.
#پیامبراسلام_شهادت
#قورخما_زهرا_امر_حق_اولموش_بو_گون_نازل_منه
#پیامبراسلام_نادری
#ترکی
.
✍️ #زبدةالاشعار ✍️
.
🆔: @nohe_torki
نظر دهید