ویر خبر گلسون حسینون با وفا عاشقلری #حسینیه_اخگر_مراغه_ای

حسینون با وفا عاشقلری
..
..
اخگر مراغه ای
..
..
وئر خبر گلسون حسینون با وفا عاشقلری
وادی عشقی دولانسون آشنا عاشقلری
..
قوی فراتین مثلی آخسون یوزلره گؤز یاشلاری
آتش حسرتده یانسون کربلا عاشقلری
..
قاره پرچملردن آلّوخ کربلانین عطرینی
مجلس ماتم قوروب ساخلار عزا عاشقلری
..
یانماسا غمدن اورکلر گؤز یاشی آخماز یوزه
بیر سینیق نی تک سیزیلدار برملا عاشقلری
..
ویرموشوخ چنگ توسل بو قارا پرچملره
ایلیوبدور راه عشقه رهنما عاشقلری
..
حق بیزی عاشق یاراتموش کربلا سلطانینه
ایلسون اوغلی ئولنلر تک نوا عاشقلری
..
کهنه لردی گون به گون نقش قیام کربلا
اولماسیدی بو حسینون باوفا عاشقلری
..
قویماروخ یاتسون ئولونجه بو قارا پرچملری
تا نقدری وار حسینون مبتلا عاشقلری
..
آند اولا ئوز جانینه گئتمز هدر زحمتلروز
ایلیر زهرا آناسی هی دعا عاشقلری
..
نهضت خونین عاشورانی زنده قالماقا
ال اله وئرموش حسینون باصفا عاشقلری
..
هفت شهر عشقی بیز کرب و بلاده گورمشوخ
منزل اوّل طلبدن تا فنا عاشقلری
..
باشیمیز اوسته اسور تا که حسینون پرچمی
اهتزازیندن تاپور دلدن قوا عاشقلری
..
حشره تک فخر ایلروخ اولساق حسین دیوانه سی
مفتخر ائتموش بو آدیله خدا عاشقلری
..
انقلاب سرخ عاشورا اورکلرده گزیر
نهی از منکر اولا ایلور ندا عاشقلری
..
سنده عاشق سن سیزیلدا قات سسون بو سسلره
هم نوا اولسون حسینون هاکذا عاشقلری
..
نوحه خوانان حسینی بلبلان خوش نوا
بزم ماتمده اندوللر هم صدا عاشقلری
..
زینبون قلبی سایاقدا یانمیوب هئچ بیر اورک
لطفینه شامل اولار گورسه جفا عاشقلری
..
مفتی عشق حسینه باغلیدور تقلیدیمیز
مقتدایه ایلیوبلر اقتدا عاشقلری
..
زینبه پیرو اولان گئتمیش صراط المستقیم
زینب صدیقه نون گئتمز خطا عاشقلری
..
«اخگرم» سالار عشقین بی ریا مدّاحیم
ایستیور مندن بئله شعر رثا عاشقلری
..
چون حسین ابن علینون لطفى شاملدور منه
دردمندم دردیمه ایلور دوا عاشقلری
..
..
..
#حسینیه #اخگر_مراغه_ای #ورود_محرم_اخگر_مراغه_ای #ورود_محرم #ترکی #زبدةالاشعار #حسینیه_مدح