ياتما يارالار يورقونی سس وير منه قارداش #کوچ_کربلا_عدلی_تبریزی

کوچ از قتلگاه
#زبدةالاشعار
.
: @nohe_torki
.
#سبک_ای_باد_صبا … 7 سبک
.
حاج اصغر فرشچی (عدلی تبریزی)
.
ياتما يارالار يورقونی سس وير منه قارداش (1)
دور گورنه اسير اولدی باجون دشمنه قارداش
.
.
بو غملی قطارون گيدوری شمريله شامه
دوندردی جفا اهلی بيزه گوندوزی شامه
تبداريدی دور باخ بير علی اوغلون امامه
چوخ غصه لی ساعتدی اونا هم منه قارداش
.
.
دور گور نجه باغلاندی طنابه بوسكينن
محشر يارادوب آغلوری بو نازلی روقيّن
آيرولموری جبرا آيرولار اونی سندن
گوزدن آخوری گوز ياشی رخسارينه قارداش
.
.
اعجازايله دور سال يولا بو اهل و عيالون
بير گوگلونی آل غمزده دور غملی ربابون
منلن گيدوری شامه حسين خرد وكبارون
وابسته دی بو شامه گيدنلر سنه قارداش
.
.
سانسيز ويرولوب ياره زبس گل بدنوندن
قانون اخوری وير مور امان ياره لروندن
قوی مرهم اولا جانه اوپوم قانلی الوندن
بنزوريارالار قاندان آچان گلشنه قارداش
.
.
عالم يغوشا عشقمه ميزان ويره بولمز
بيزتك باجی قارداشی بو دنيا گوره بولمز
فكر ايلمه هجرانيوه زينب دوزه بولمز
عشقوندی حسين من گلورم شيونه قارداش
.
.
مجبورم حسين شامه گيدم اينجيمه مندن
آيرولمارام امّا آيرولار منی سندن
گورسم بلشوب كُللره باشون بو گوزومدن
حق وير منه توكسم ياشينی دامنه قارداش
.
.
سالسا شرر آهيم اودی چوللره نيران
آل گوگلونی زينب باجون اولسون سنه قربان
سر نيزده باشلا اوخی سن آيۀ قرآن
من نافه ده تفسير ايليوم دشمنه قارداش
.
.
معطوف ايدرم اهل وفانی بو بيانه
علّت ندی نهضت ديرم اهل جهانه
گلمزله مگر شيعه لرون داد و فغانه
جان ويردي حسين بولسلر اوز دينينه قارداش
.
.
آل سينوه سن اصغره لايلای دينه ياتسون
سو فكرينی سود فكرينی باشدان دينه آتسون
اشكين نه قدر بو آناسی قانينه قاتسون
حق ويرسن اونا قانی قاتا اشكينه قارداش
.
.
ای سالك حق عاشق حق ای شه خوبان
ياننام گوررم گل بدنون يرده دd عريان
عشقـونده اسيرم باجوام ديده سی گريان
عشقوندی قاتوب قان گوزومون ياشينه قارداش
.
.
بير نوكريمز «عدلی» آدوندا بيزه آغلار
هم نوحه يازار نوحه ديير عاشقي داغلار
باش قاره سنی هر دهه ده باشينا باغلار
قبرينده اوزون گل يتيش امدادينه قارداش
.
(1) مطلع شعر از مرحوم #مبکی_تبریزی میباشد
.
.
#ياتما_يارالار_يورقونی_سس_وير_منه_قارداش
#ترکی
.
.
#زبدةالاشعار
.
: @nohe_torki